बॉलिवूडमधील प्रसिध्द अभिनेत्री सोनम कपूर आणि आनंद आहुजा यांच्या बाळाच्या नामकरण सोहळ्याची चर्चा सोशल मिडीयावर गेल्या काही दिवसांपासून सुरु होती. सोनमने तिच्या बाळाचा पहिला फोटो सोशल मिडीयावर शेअर केला आहे. या पोस्टमध्ये सोनम कपूर आणि आनंद आहुजा यांनी आपल्या बाळाचे नाव जाहीर केले आहे. सोनमच्या बाळाचे नाव 'वायू' (Vayu) ठेवण्यात आले आहे. सोनमने तिच्या अधिकृत इन्स्टाग्राम अकाऊंटवर एक गोंडस फॅमिली फोटो शेअर केला आहे.

सोनम कपूरच्या मुलाचे नाव 'वायू' ठेवले आहे

सोनम कपूरने (Sonam Kapoor) तिच्या मुलाचे नाव वायु कपूर आहुजा असे ठेवलं आहे. नावाबरोबरच सोनम कपूरने कॅप्शनमध्ये बाळाच्या नावाचा अर्थही सांगितला आहे. 'वायू हा हिंदू धर्मग्रंथातील पाच घटकांपैकी एक आहे. हनुमान हे भीम आणि माधवांचे आध्यात्मिक पिता आहेत आणि ते वायूचे अविश्वसनीय शक्तिशाली स्वामी आहेत. या अर्थांसह सोनम कपूरने तिच्या मुलाचे नाव वायु असे ठेवलं आहे. सोनमने शेअर केलेल्या पोस्टमध्ये सोशल मीडियावर लाईक्सचा वर्षाव होतो आहे. या फोटोत तिघांनी पिवळ्या रंगाचा पारंपरिक ड्रेस परिधान केला आहे.

बॉलिवूड अभिनेत्री सोनम कपूर आणि आनंद आहुजा यांनी 20 ऑगस्ट रोजी मुलाला जन्म दिला. बाळाच्या जन्मानंतर त्याच्या नामकरणाबाबत अनेक चर्चा सोशल मीडियावर रंगत होत्या. अखेर या चर्चांनी पूर्णविराम देत सोनमने स्वत: बाळाचा फोटो शेअर करत त्याचे नाव जाहीर केले आहे. या पोस्टवर चाहत्यांकडून लाईक्स आणि कमेंटचा वर्षाव होतो आहे.