बॉलिवूड अभिनेता सिद्धार्थ मल्होत्रा सध्या त्याच्या करिअरच्या शिखरावर आहे. यावर्षी अभिनेत्याचे अनेक चित्रपट प्रदर्शित होणार आहेत, यासाठी त्याला चांगली फी ऑफर देखील करण्यात आली आहे. आज सिद्धार्थ मल्होत्राचा (Sidharth Malhotra) वाढदिवस (Birthday) आहे. अभिनेता 37 वर्षांचा झाला आहे. 'स्टुडंट ऑफ द इयर', 'हसी तो फसी', 'मरजावा' आणि 'शेरशाह' यांसारख्या चित्रपटांमध्ये अभिनेता दिसला आहे. सिद्धार्थचा सोशल मीडियावर चांगला चाहतावर्ग आहे. त्याचे शिक्षण आणि पालनपोषण दिल्लीत झाले आहे. त्यानी दिल्ली विद्यापीठाच्या शहीद भगतसिंग महाविद्यालयात शिक्षण घेतले. या अभिनेत्याने वयाच्या 18 व्या वर्षी मॉडेलिंग करिअरला सुरुवात केली. यानंतर सिद्धार्थने शाहरुख खानच्या 'माय नेम इज खान' या चित्रपटात सहाय्यक दिग्दर्शक म्हणून काम केले. (Bollywood News In Marathi)
'स्टुडंट ऑफ द इयर'मधून करिअरला सुरुवात केली
फार कमी लोकांना माहित असेल की सिद्धार्थ प्रियंका चोप्राचा 'फॅशन' चित्रपट करणार होता, परंतु काही कारणांमुळे ते होऊ शकले नाही. यानंतर 2012 मध्ये सिद्धार्थने करण जोहरच्या 'स्टुडंट ऑफ द इयर' या चित्रपटातून सुरुवात केली. त्याच्यासोबत वरुण धवन आणि आलिया भट्ट यांनीही त्यांच्या करिअरला सुरुवात केली. हा चित्रपट सुपरहिट झाला आणि सिद्धार्थ रातोरात स्टार झाला. यानंतर अभिनेता 'एक व्हिलन'मध्ये श्रद्धा कपूरसोबत दिसला होता. त्याच्या अभिनयाचे सर्वांनी कौतुक केले. यानंतर तो अनेक चित्रपटांमध्ये दिसला पण त्याचे चित्रपट चांगला व्यवसाय करू शकले नाहीत.
2021 मध्ये 'शेरशाह' मधील त्याच्या जबरदस्त अभिनयाने पुन्हा एकदा प्रेक्षकांची मने जिंकली. या चित्रपटात त्याच्यासोबत कियारा अडवाणी मुख्य भूमिकेत होती. एका दिलेल्या मुलाखतीत सिद्धार्थने सांगितले होते की, जेव्हा तो चित्रपटांमध्ये आला तेव्हा त्याला खूप त्रास सहन करावा लागला. त्याने सांगितले की मला सुरुवातीला चित्रपट सोडायचे होते, पण चांगल्या वेळेच्या आशेने मी संघर्ष केला आणि इंडस्ट्रीत माझे स्थान निर्माण केले.
आईने त्याला चप्पलने मारले होते
मिळालेल्या माहितीनुसार, सिद्धार्थने एका मुलाखतीत सांगितले होते की, त्याच्या कुटुंबीयांना नेहमीच त्याची काळजी वाटत असते. विशेषत: भविष्यात मी काही करू शकणार नाही असे वाटणारे त्याचे वडील. सिद्धार्थने सांगितले की, मी लहानपणापासूनच अभ्यासात कमकुवत होतो आणि मध्यमवर्गीय कुटुंबात अभ्यासाला महत्त्व दिले जाते. त्याने सांगितले की तो 9वी मध्ये नापास झाला होता त्यानंतर त्याच्या आईने त्याला चप्पलने मारले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.