Siddharth Kiara Wedding: बॉलिवूडमधील लोकप्रिय जोडप्यांपैकी एक सिद्धार्थ मल्होत्रा ​​आणि कियारा अडवाणी यांच्या आयुष्यातील सर्वात महत्त्वाचा दिवस आज होता.

दोघांनी आज म्हणजे ७ फेब्रुवारीला आपल्या आयुष्यातला सगळ्यात महत्वाचा संस्कार पार पाडलेला आहे. आजपासून पती-पत्नी म्हणुन दोघांच्या नव्या आयुष्याला सुरूवात झाली आहे

 सिद्धार्थ आणि कियारा सूर्यगड पॅलेसमध्ये सात फेरे घेतले. 4 फेब्रुवारीपासून पाहुणे जैसलमेरला पोहोचू लागले होते. दुसरीकडे, 5 फेब्रुवारीला सिद्धार्थ आणि कियाराही आपापल्या कुटुंबासह सूर्यगढ पॅलेसमध्ये पोहोचले.

सिद्धार्थ आणि कियारा यांच्या भव्य लग्नासाठी सूर्यगढ पॅलेस वधूप्रमाणे सजला होता. गेल्या काही दिवसांपासून लग्नाची तयारी जोरात सुरू होती.

संगीत आणि हळदी समारंभ 6 फेब्रुवारीला झाला. आणि आज विवाहसमारंभ पूर्ण झाला. या नव्या जोडप्याला शुभेच्छा देण्यासाठी बॉलिवूडचे मोठे मोठे सेलिब्रिटी उपस्थित होते

ईशा अंबानी आणि तिचा पती आनंद पिरामल ते करण जोहर, शाहिद कपूर-मीरा राजपूत, जुही चावला-जय मेहता यांच्यासह अनेक सेलेब्स सिद्धार्थ आणि कियाराच्या लग्नाला हजेरी लावण्यासाठी पोहोचले होते.

आज संध्याकाळी हा विवाहसोहळा आटोपला असुन लग्नाच्या जबरदस्त बॅंडचा व्हिडीओही समोर आला आहे