Shraddha Kapoor: श्रद्धा कपूरने आपल्या अभिनयाच्या जोरावर इंडस्ट्रीमध्ये एक ओळख निर्माण केली आहे. तीने बॉलीवूडमध्ये अनेक हीट चित्रपटातून आपल्या अभिनयाची झलक दाखवली आहे. मात्र श्रद्धा कपूर ही अभिनयासाठीच नाही तर आपल्या सौंदर्यासाठीदेखील प्रसिद्ध आहे. आता मात्र शक्ती कपूरची लेक तिच्या प्रोफेशनल आयुष्यासाठी नाही तर आपल्या वैयक्तिक आयुष्यामुळे चर्चेत आली आहे.

मिळालेल्या माहीतीनुसार, काही दिवसांपूर्वी श्रद्धा कपूर तू झूठी मै मक्कार या चित्रपटाचे रायटर राहुल मोदी यांच्यासोबत चित्रपट पाहण्यास गेली होती. याशिवाय अनेकदा ते एकत्र दिसून आले होते. त्यामुळे ते दोघे रिलेशनशिपमध्ये असल्याचे म्हटले जात आहे. याबरोबरच राहुल मोदी श्रद्धा कपूरच्या पाळीव कुत्र्यांसोबतचे फोटो सोशल मिडियावर पोस्ट करताना दिसतो. त्यामुळे यांच्या नात्यावर वेगवेगळ्या चर्चा होताना दिसत आहेत.

या आधी श्रद्धा कपूर सेलिब्रिटी फोटोग्राफर रोहन श्रेष्ठसोबत जवळपास चार वर्षे रिलेशनशिपमध्ये असल्याची चर्चा होती. त्यानंतर 2022 मध्ये तिचे आणि रोहनचे ब्रेकअप झाल्याची माहीती समोर आली आहे.

दरम्यान, राहुल मोदी किंवा श्रद्दा कपूर यांनी त्यांच्या नात्यावर कोणतेही अधिकृत भाष्य केले नाही. मात्र त्यांच्या व्हायरल झालेल्या फोटो आणि व्हिडिओनंतर नेटकरी त्यांच्या नात्याबद्दल अंदाज बांधताना दिसत आहेत. श्रद्धा राजकुमार राव सोबत स्त्री 2 मध्ये ती दिसून येणार असून सध्या या चित्रपटाच्या चित्रीकरणात व्यस्त आहे.