सध्या सोशल मीडियावर (Social Media) एका परफ्यूम ब्रँड कंपनीच्या जाहिरातीची चर्चा सुरू आहे. ही जाहिरात महिलांच्या लैंगिक शोषणाला प्रोत्साहन देत आहे, असे काही लोकांचे मत आहे. महिलांवरील लैंगिक हिंसाचाराला प्रोत्साहन देणाऱ्या परफ्यूम ब्रँडचे व्हिडीओ त्यांच्या प्लॅटफॉर्मवरून हटवण्यात यावेत, असा आदेश केंद्र सरकारने यूट्यूब आणि ट्विटरलाही जारी केला आहे. या जाहिरातीवर अनेक बाॅलिवुड सेलिब्रेटींजनी ट्वीट करत प्रतिक्रिया दिल्या आहेत.

रिचा चड्ढा
एखादी जाहिरात (Advertisement) शूट करण्याआधी ती क्रिएटिव्ह, स्क्रिप्ट, एजन्सी, क्लायंट, कास्टिंग यांसारख्या अनेक टप्प्यांमधून जात असते. प्रत्येकाला बलात्कार हा विनोद वाटतो का?', असं ट्वीट करत अभिनेत्री रिचा चड्ढाने आपल्या प्रतिक्रिया दिल्या आहेत.

* सोना मोहपात्रा
गायिका सोना मोहपात्राने ट्वीट करत लिहीले, 'थीम - लैंगिक शोषण. माझ्या twitter टाइमलाइनवर मी ती जाहिरात पाहिली. त्यानंतर मी विचार केला की या जाहिरातीला प्रसिद्धी देणे अधिक वाईट आहे.'

फरहान अख्तरनं (Farhan Akhtar) ट्वीटमध्ये 'Shameful' असं लिहित या जाहिरातीवर प्रतिक्रिया दिली आहे.

* ही बॉडी स्प्रेची जाहिरात हटवण्याचे आदेश जारी

या जाहिराती रिलीज होताच सोशल मीडियावर गदारोळ माजला. सर्वांनीच यावर आक्षेप घेण्यास सुरुवात केली. बॉडी स्प्रे ब्रँड लेयर शॉटशी संबंधित दोन जाहिरातींवरून वाद झाल्यानंतर दिल्ली महिला आयोगाच्या अध्यक्षा स्वाती मालीवाल यांनीही त्यावर आक्षेप घेतला. आता केंद्र सरकारने यूट्यूब आणि ट्विटर या दोन्ही जाहिरातींवर बंदी घालण्याचे निर्देश दिले आहेत.