International Yoga Day: बॉलीवूड अभिनेत्री शिल्पा शेट्टी आपल्या अभिनयाबरोबरच आपल्या फिटनेससाठीदेखील ओळखली जाते. शिल्पा शेट्टीने योगाअभ्यासाद्वारे आपल्या आरोग्याची काळजी घेत शरीराचा फीटनेसदेखील उत्तम ठेवला आहे.
अलिकडे शिल्पा शेट्टी योगाअभ्यासाठी मोठ्या प्रमाणात ओळखली जाते. आज आतंरराष्ट्रीय योग दिनाच्या निमित्ताने तिने सो योगाअभ्यासाचे महत्व सांगत सोशल मिडियावर एक व्हिडिओ शेअर केला आहे. ती म्हणते स्वताला मदत करण्यासाठी, जगणं सुसह्य आणखी चांगले करण्यासाठी आणि उत्तमपणे जगण्यासाठी योगाअभ्यास महत्वाचा आहे. स्वस्थ राहा आणि मस्त राहा.
याबरोबरच, हा व्हिडिओ शेअर करताना त्यासोबत खास संदेशही दिला आहे. ती लिहते- 'तुमचं एक स्मितहास्य तुमच्याभोवती आनंद निर्माण करु शकते. परंतु ते करण्यासाठी तुम्ही आनंदी असणं महत्वाचे ठरते. त्यासाठी योगाला तुमच्या आयुष्याचा अविभाज्य भाग बनवा.
सुदृढ आरोग्य, मन आणि बुद्धीसाठी तुम्हाला योगा मदत करेल. कोणीतरी म्हटल्याप्रमाणे निरोगी माणूस हा आनंदी मनुष्य असतो. सर्वांना योगदिनाच्या हार्दिक शुभेच्छा!' शिल्पा शेट्टीच्या या पोस्टवर चाहते भरभरुन कंमेटस करताना दिसत आहेत.
दरम्यान, आंतरराष्ट्रीय योग दिन जगभरात मोठ्या उत्साहात साजरा केला जात आहे. आपल्या आरोग्यासाठीचे योगासनांचे महत्व पटवून देण्यासाठी दरवर्षी 21 जूनला हा आंतरराष्ट्रीय योग दिवस साजरा केला जातो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.