Shahrukh Khan: बॉलीवूडचा किंग खान म्हणजेच शाहरुख खान हा नेहमीच चर्चेत राहणारा अभिनेता आहे. त्याच्या अभिनयाचे देशात-जगात लाखो-करोडो चाहते आहेत. आता शाहरुख खान पुन्हा एकदा चर्चेत आला आहे. तो चर्चेत येण्याचे कारण किंग खानचा मित्र अभिनेता-निर्माता विवेक वासवानी ठरले आहेत.

सिद्धार्थ कननला दिलेल्या एका मुलाखतीत विवेक वासवानी यांनी आपला जवळचा मित्र शाहरुख खानबरोबर आपण गेली चार वर्षे बोलले नसल्याचे म्हटले आहे. या दोघांनी एकत्र 'दुल्हा मिल गया' चित्रपटात एकत्र काम केले आहे. विवेक वासवानी आणि शाहरुख खान खूप जुने मित्र आहेत आणि संघर्षाच्या काळात ते एकत्र होते.

विवेक वासवानी यांनी शाहरुखला त्याच्या संघर्षाच्या दिवसात त्याच्या घरात आसरा दिला होता. तेव्हा शाहरुख खान खूप तणावाखाली होता. एकीकडे करिअरचे टेन्शन तर दुसरीकडे गौरीशी लग्न करायचे होते. विवेकने शाहरुखला कठीण काळात मदत केली, पण जेव्हा तो संकटाचा सामना करत होता आणि कॅन्सरसारख्या आजाराशी झुंज देत होता तेव्हा त्याने शाहरुखची मदत घेतली नाही. चार वर्षांत त्याने शाहरुखला कधी फोनही केला नाही.

विवेक वासवानी यांनी सांगितले की, तो शाहरुख खान( Shah rukh khan )ला 2018 मध्ये त्याच्या वाढदिवसाच्या पार्टीत भेटला होता आणि तेव्हापासून त्याने त्याचा चेहराही पाहिलेला नाही. अभिनेत्यासोबतच्या आपल्या नात्याबाबत विवेक वासवानी म्हणाला, 'सध्या आम्ही बोलत नाही. आपण भेटत नाही, पण जेव्हा भेटतो तेव्हा असे वाटते की जणू वर्षे उलटलीच नाहीत. मी शहरवासी नाही. मी शिक्षक आहे. मी एका शाळेचा डीन आहे. मी दिवसाचे १८ तास काम करतो. मी बस आणि लोकल ट्रेनने प्रवास करतो आणि शाहरुख सुपरस्टार आहे.

'त्याच्याकडे १७ फोन आहेत, आणि माझ्याकडे एक नंबर आहे. त्याने फोन उचलला तरच मी बोलू शकेन. 'जवान' नंतर मी त्याला फोन केला, पण त्याने फोन उचलला नाही. मी अंघोळ करत होतो तेव्हा त्याने कॉल केला, जो मी उचलला नाही. तो सतत प्रवास करत असतो. त्यांच्याही जबाबदाऱ्या आहेत. तो संपूर्ण साम्राज्य चालवतो. त्यामुळे मी ठीक आहे.

आता विवेकला शाहरुखच्या मुलीला चित्रपटात दिग्दर्शित करण्याची किंवा तिच्यासोबत चित्रपटाची निर्मिती करायची आहे. तो म्हणाला, 'मला वाटते की सुहाना( Suhana Khan )मध्ये इतर अभिनेत्रींपेक्षा जास्त आणि जबरदस्त क्षमता आहे. शाहरुख खान नाही म्हणेल असे वाटत नाही. पण तो का नाकारेल? जर मी त्याच्यासाठी चांगला असेल, तर मी त्याच्या मुलीसाठीही चांगला आहे.

आता शाहरुखनंतर सुहाना सोबत विवेक वासवानी काम करताना दिसणार का हे पाहणे महत्वाचे ठरणार आहे.