बॉलीवूडचा किंग खान शाहरुख खानला (Shahrukh Khan) क्रिकेटची किती आवड आहे हे सर्व चाहत्यांनाच माहीत आहे. तो इंडियन प्रीमियर लीग (IPL) संघ KKR चा मालक आहे आणि बरेच वेळा सामने पाहण्यासाठी स्वतः स्टेडियममध्ये शाहरूख पोहोचतो. आता शाहरुख खानने अमेरिकेतील लॉस एंजेलिसमध्ये क्रिकेट स्टेडियम बांधण्याची तयारी करत असल्याचे जाहीर करत चाहत्यांना माहिती दिली आहे. त्यांचा क्रिकेट संघ आणि USA MLC 20 यांच्या संयुक्त विद्यमाने जागतिक दर्जाचे स्टेडियम बांधले जाणार आहे. 15 एकर जागेवर हे स्टेडियम बांधण्यात येणार असल्याचे शाहरुखच्या ट्विट मध्ये म्हटले गेले आहे. शाहरुख खानच्या वतीने शुक्रवारी निवेदन जारी करून ही माहिती देण्यात आली आहे. (Shah Rukh Khan to build stadium in US)

10 हजार लोकांसाठी बसण्याची स्टेडियममध्ये व्यवस्था

शाहरुख खान म्हणाला, “लॉस एंजेलिसमध्ये जागतिक दर्जाचे क्रिकेट स्टेडियम बांधण्याची योजना आमच्यासाठी आणि एमएलसीसाठी खूप रोमांचक असणार आहे. जगातील सर्वात प्रतिष्ठित ठिकाणांपैकी एक असलेल्या या जागेवरील इमारतीचा क्रिकेटच्या परिवर्तनावर खोलवर परिणाम होईल यात काही शंका नाही. "MLC मधील आमची गुंतवणूक अमेरिकेतील क्रिकेटच्या भवितव्यासाठी रोमांचक ठरणार आहे," असे निवेदनात म्हटले गेले आहे. रिपोर्टनुसार, स्टेडियममध्ये 10 हजार लोकांसाठी बसण्याची व्यवस्था देखील केली जाणार आहे.