अभिनेत्री समांथा रुथ प्रभु सोशल मीडियावर कायमच सक्रिय असते. ती तिच्या चाहत्यांना नेहमी नव्या प्रोजेक्ट्स आणि चित्रपटांबद्दल सोशल मीडियावर माहिती देत असते. दरम्यान मागील १५ दिवसांपासून अभिनेत्री सोशल मीडियावरुन गायब आहे. या १५ दिवसात सोशल मीडियावर तिची कोणतीही पोस्ट नसल्यामुळे तिच्या चाहत्यांकडून काळजी व्यक्त करण्यात आली आहे. (Samantha Ruth Prabhu)

अभिनेत्री समांथा रुथ प्रभु फक्त दाक्षिणात्य चाहत्यांमध्ये लोकप्रिय नसून जगभर तिची फॅन फॉलोइंग असल्याचे दिसून येते. अमेझॉन प्राईम वरील वेब सीरीज 'द फॅमिली मॅन 2'तील धडाकेदार काम आणि 'पुष्पा: द राइज'मधील 'ऊ अंटावा' आणि इतर गाण्यातील तिच्या दिलखेचक अदा यामुळे तिचे देशभर नाही तर जगभर चाहते झाले आहे. लवकरच ती 'कॉफी विथ करण सिझन 7'मध्ये अभिनेता अक्षय कुमार याच्यासह दिसणार आहे. सामंथा सोशल मीडियावरही ऍक्टिव्ह असते. मात्र गेल्या काही दिवसापासून तिच्या सोशल मीडिया अकाउंट वरून काही पोस्ट न दिसल्यामुळे तिच्या चाहत्यांना चिंता वाटू लागली आहे.

1 जुलैनंतर समांथाने कोणतीही पोस्ट शेअर केली नाहीये, त्यामुळे समांथा ठीक असेल का याबाबत चाहत्यांना चिंता वाटते आहे. समांथाने इन्स्टाग्रामवरची शेवटची पोस्ट एका पेड पार्टनरशिपविषयीची आहे. तसेच ट्विटरवर समांथाने 2 जुलै रोजी 'कॉफी विथ करण सिझन 7' या शोचा व्हिडिओ रिट्विट केला होता. त्यानंतर 5 जुलै रोजी 'ओह बेबी' सिनेमाविषयीची पोस्ट तिने रिट्विट केली आहे. यानंतर समांथाने सोशल मीडियावर कोणतीही पोस्ट केलेली नाही.

समांथाच्या चाहत्यांना तिने अशाप्रकारे सोशल मीडियावरून गायब झाल्याबाबत चिंता वाटत आहे. यापूर्वी कधीही समांथाने सोशल मीडियावरुन असा ब्रेक घेतला नव्हता. जेव्हा ती आयुष्यातील कठीण काळातून जात होती. नागा चैतन्यशी घटस्फोट घेतल्यानंतरच्या काळातही समांथा इन्स्टाग्राम किंवा इतर सोशल मीडियावरती सक्रिय होती. समांथाने तिच्या घटस्फोटाविषयी माहिती चाहत्यांना सोशल मीडियाच्या माध्यमातूनच दिली होती.आगामी काळात ती बॉलिवूडमधेही दिसणार आहे.