Salman Khan Harassed Ex-Girlfriend : बॉलिवूड चित्रपटांमध्ये काम केलेली अभिनेत्री सोमी अली पुन्हा एकदा चर्चेत आली आहे. सोमी अलीने पुन्हा एकदा बॉलिवूडचा दबंग हिरो सलमान खानवर निशाणा साधला आहे.

सोमीने सलमानसोबतचा एक थ्रोबॅक फोटो शेअर करत सलमानने तिच्यावर अत्याचार केल्याचा आरोप केला आहे. (Salman Khan Harassed Ex-Girlfriend)

सोमी अलीने सलमानवर केला आरोप

अभिनेत्री असण्यासोबतच सोमी अली सलमान खानची एक्स गर्लफ्रेंड देखील आहे. दोघांचे नाते फार काळ टिकू शकले नाही, मात्र आजही दोघांच्या अफेअरची चर्चा आहे. सोमी आणि सलमान खान यांच्या नात्यात बरेच अंतर आले आहे.

याच कारणामुळे सोमी अनेकदा तिच्या पोस्टमध्ये सलमान खानवर हल्ला करताना दिसते. यावेळी देखील सोमी अलीने आपल्या नवीन पोस्टमध्ये सलमानवर अनेक आरोप केले आहेत.

सोमीने सलमान खानसोबतचा एक थ्रोबॅक फोटो शेअर केला आहे, ज्यामध्ये सलमान तिला गुलाबाचे फूल देताना दिसत आहे. सोमीने पोस्टसोबत कॅप्शनमध्ये लिहिले - खूप काही घडणार आहे.

माझ्या शोवर भारतात बंदी घालण्यात आली आणि नंतर मला खटला भरण्याची धमकी दिली. तू भित्रा आहेस माझे रक्षण करण्यासाठी येथे 50 वकील उभे आहेत, जे मला वर्षानुवर्षे माझ्यावर होणाऱ्या शारीरिक अत्याचारापासून वाचवतील. पण त्यानंतर तिने ती पोस्ट डिलिट केली. या पोस्टनंतर अनेक चर्चा सुरू आहेत.