बॉलिवूड स्टार सलमान खान मेगास्टार चिरंजीवीच्या 'गॉडफादर' या चित्रपटातही दिसणार आहे. या चित्रपटात सलमान खान कॅमिओ करताना दिसणार असून तो चिरंजीवीच्या क्राइम पार्टनरची भूमिका साकारणार आहे. नुकतेच गॉड फादरचे 'थर मार ठक्कर मार' हे गाणे रिलीज झाले होते, ज्यामध्ये चिरंजीवीसोबत सलमान खानही स्वॅगसोबत डान्स करताना दिसला होता.

आता चिरंजीवीने या चित्रपटासाठी सलमान खानच्या फीबाबत खुलासा केला आहे. त्याने एका मुलाखतीत सांगितले की, सलमान खानने गॉडफादरमध्ये काम करण्यासाठी एक पैसाही घेतला नाही. पण प्रेक्षकांच्या प्रेमापोटी त्याने या चित्रपटाचा भाग होण्यास होकार दिला.

फ्लाइटमध्ये एका साऊथ वृत्तवाहिनीला दिलेल्या मुलाखतीत चिरंजीवीने बॉलिवूडचा (Bollywood) सुपरस्टार सलमान खानचे आभार मानले. मुलाखतीत चिरंजीवीला विचारण्यात आले की, सलमानने गॉडफादरसाठी किती पैसे घेतले? या प्रश्नावर तो म्हणाला, "सलमानने एकही पैसा न घेता हा चित्रपट केला आहे, तो हा चित्रपट फक्त चाहत्यांच्या प्रेमासाठी करत आहे, सलमान भाई (Salman Khan) आपको सलाम है. आम्ही तुझ्यावर प्रेम करतो."

तमिळ भाषेत बनत असलेला हा चित्रपट मल्याळम चित्रपट 'लुसिफर' चा रिमेक आहे. राजा मोहन या चित्रपटाचे दिग्दर्शन करत आहेत. या चित्रपटात चिरंजीवीसोबत नयनतारा आणि सत्यदेव यांच्याही मुख्य भूमिका आहेत. गायिका श्रेया घोषाल हिने गॉड फादरचे 'थर मार ठक्कर मार' हे गाण गायले आहे. या अॅक्शन थ्रिलर चित्रपटात प्रेक्षकांना राजकीय ड्रामा पाहायला मिळणार आहे.