2017 मध्ये अभिनेता रणबीर कपूर आणि पाकिस्तानी अभिनेत्री माहिरा खानचे काही फोटो समोर आले होते, ज्यामध्ये दोन्ही स्टार्स एकमेकांसोबत सिगारेट ओढताना दिसले होते. हे फोटो समोर आल्यानंतर दोघांच्या नात्याबद्दल अनेक तर्क-वितर्क लावले जात होते. दिवंगत अभिनेते आणि रणबीरचे वडील ऋषी कपूर यांनाही फोटोंबाबत प्रश्न विचारण्यात आले. त्यावर ऋषी कपूर म्हणाले होते की, 'तो तरुण आहे आणि त्याला वाटेल त्याला भेटू शकतो.'

त्यावेळी एका वेबसाईटशी बोलताना ऋषी कपूर म्हणाले होते, "मी त्यांना फक्त ट्विटरवर पाहिले आहे, इन्स्टाग्राम किंवा फेसबुकवर नाही कारण मी फक्त ट्विटरवर आहे. आणि त्याच्याबद्दल सर्व काही मला आधीच माहित आहे. रणबीर हा तरुण स्टार आहे, तो सिंगल आहे, तो बॅचलर आहे. तो ज्याला वाटेल त्याला भेटू शकतो. लोकांनी त्याच्या प्रायव्हसीवर हल्ला केला तर ते योग्य नाही. आणि या सगळ्याबद्दल मी काहीही बोलू शकत नाही. कारण तो तरुण आहे आणि तो कोणत्याही मुलीला भेटू शकतो."

त्यावेळी ऋषी कपूर यांनी माहिरा आणि रणबीरच्या अफेअरच्या बातम्या फेटाळून लावल्या होत्या, ऋषी कपूर म्हणाले होते, 'जर ते डेट करत असतील किंवा एकत्र असतील तर मुंबईतील लोकांना हे कळले नसते का?' अशाप्रकारे त्यांनीन या प्रकरणामध्ये आपल्या मुलाची बाजू घेऊन सर्व अफवा खोडून काढल्या होत्या.