Rashmika Mandanna Engagement Breakup: कन्नड चित्रपट अभिनेत्री रश्मिका मंदान्ना सध्या सर्वत्र चर्चेत आहे. तिच्या एका झलकसाठी चाहते आतुर झाले आहेत. रश्मिकाने तिच्या फिल्म करिअरमध्ये अनेक मोठे हिट चित्रपट दिले आहेत. रश्मिकाला फॅन्स 'नॅशनल क्रश' म्हणतात, पण तुम्हाला माहीत आहे का की रश्मिका मंदान्नाची 2017 मध्येच एंगेजमेंट झाली होती, पण तिची एंगेजमेंट फार काळ टिकली नाही. (Rashmika Mandanna Engagement Breakup)

वास्तविक 26 वर्षीय रश्मिका मंदान्ना चित्रपट अभिनेता रक्षित शेट्टीसोबत रिलेशनशिपमध्ये होती. रश्मिकाने आपल्या करिअरची सुरुवात रक्षित शेट्टीसोबत किरिक पार्टी या चित्रपटातून केली होती. यादरम्यान दोघे जवळ आले आणि 2017 मध्ये एकमेकांशी साखरपुडा केला होता. मात्र, दैवाला त्यांचे नाते मान्य नव्हते. रश्मिका आणि रक्षित त्यांच्या साखरपुड्याच्या 14 महिन्यांनंतरच ते वेगळे झाले.

रश्मिका आणि रक्षितचे नाते का तुटले?

रश्मिका आणि रक्षित शेट्टीची एंगेजमेंट का तुटली याबद्दल दोघेही उघडपणे बोलले नाही. मात्र, दोन्ही स्टार्समध्ये कामाच्या बाबतीत ताळमेळ नसल्याचे मीडिया रिपोर्ट्समध्ये म्हटले आहे.

याशिवाय असेही म्हटले गेले होते की, दोघांचे कुटुंब हे दोन्ही स्टार्सच्या एंगेजमेंटच्या ब्रेकअपचे कारण आहे. मात्र, रश्मिका आणि रक्षितने एंगेजमेंट ब्रेकअप होण्यामागच्या कारणांबद्दल कधीही काहीही सांगितले नाही.

रश्मिका मंदान्ना आता केवळ साऊथच्या फिल्म इंडस्ट्रीतच नाही तर बॉलिवूडमध्येही वर्चस्व गाजवायला तयार आहे. तिच्याकडे सध्या सिद्धार्थ मल्होत्रासोबत 'मिशन मजनू', अमिताभ बच्चनसोबत 'गुडबाय' असे तीन हिंदी चित्रपट आहेत. याशिवाय तिने अलीकडेच सांगितले की ती लवकरच तिसरा चित्रपट साईन करणार आहे. तिचा नुकताच आलेला 'पुष्पा' हा चित्रपट खूप गाजला.