बॉलिवुडमदील प्रसिध्द अभिनेता रणवीर सिंह (Ranveer Singh) आज 37 वा वाढदिवस साजरा करत आहे. रणवीर आपल्या अतरंगी सतरंगी स्टाईलमुळे नेहमीच चर्चेत असतो. रणवीर सोशल मीडियावर प्रचंड सक्रिय असतो. तो नेहमीच त्याचे अतरंगी आणि हटके फोटो शेअर करत असतो. वाढदिवसानिमीत्त रणवीरने आणखी एक फोटो शेअर करत चाहत्यांना मोगलीची आठवण करून दिली आहे. (Ranveer Singh Birthday Selfie News)

थोड्यावेळापुर्वीच रणवीरने सोशल मिडीयावर (Social Media) एक सेल्फी शेअर केली आहे. या फोटोमध्ये तो समुद्रकिनाऱ्यावर दिसत आहे. तसेच त्याचे केसांची स्टाइल सगळ्यांचे लक्ष वेधुन घेत आहे. त्याचे वाढलेली दाढी आणि मिशी, डोळ्यावर गॉगल अशा अवस्थेत रणवीरला पाहून चाहतेही चकित झाले आहेत. त्याच्या चाहत्यांनी या फोटोवर (Photo) लाईक आणि कमेंटचा वर्षाव करायला सुरूवीत केली आहे.

रणवीरने दीपिकासोबत (Deepika Padukone) नुकतीच एका कार्यक्रमात हजेरी लावली होती. या कार्यक्रमात त्याने आपल्याला कोंकणी शिकायची असल्याचं म्हटलं होतं. आपल्याला आपल्या मुलांसाठी कोंकणी शिकायची आहे जेणेकरून दीपिका मुलांसोबत त्याच्याविषयी काही वाईट बोलू शकणार नाही, असं तो म्हणाला होता.