बॉलिवूडचा सुपरस्टार रणबीर कपूरचा प्रसिद्ध चित्रपट 'अनिमल'चा फर्स्ट लूक पोस्टर रिलीज झाला आहे. 'अॅनिमल' (Animal) च्या या फर्स्ट लूक पोस्टरची रिलीज डेट 30 डिसेंबरलाच जाहीर करण्यात आली होती. अशा स्थितीत नववर्षाच्या मध्यरात्री 'अ‍ॅनिमल'चे दमदार फर्स्ट लूक पोस्टर चाहत्यांची उत्कंठा वाढवणारे आहे. 'अॅनिमल'च्या या पोस्टरमध्ये रणबीर कपूर अतिशय उग्र स्टाईलमध्ये दिसत आहे. 

• 'अॅनिमल'चे फर्स्ट लूक पोस्टर समोर आले

नवीन वर्षाच्या (New Year) मध्यरात्री 12 वाजता चित्रपट (Movie) समीक्षक तरण आदर्श यांनी अधिकृत इंस्टाग्राम हँडलवर 'अॅनिमल'चे (Animal) फर्स्ट लूक पोस्टर शेअर केले आहे. या पोस्टरमध्ये सुपरस्टार एका नव्या अंदाजात पाहायला मिळत आहे. हातात कुऱ्हाड, तोंडात सिगारेट आणि रक्ताने माखलेला रणबीर कपूर खूपच धोकादायक दिसत आहे. 'अॅनिमल'च्या या फर्स्ट लूक पोस्टरवरून स्पष्टपणे असा अंदाज लावता येतो की, शमशेरा चित्रपटाप्रमाणेच यावेळीही प्रेक्षकांना रणबीरचा अॅक्शन अवतार पाहायला मिळणार आहे. 'अ‍ॅनिमल'च्या या पोस्टरने चाहत्यांची उत्कंठा द्विगुणित केली आहे. 'अॅनिमल'चे हे लेटेस्ट पोस्टर सोशल मीडियावर (Social Media) खूप पसंत केले जात आहे. 

'अ‍ॅनिमल'' कधी प्रदर्शित होणार? 

'अ‍ॅनिमल'' (Ranbir Kapoor) चे फर्स्ट लूक पोस्टर रिलीज झाल्यानंतर चाहते या चित्रपटाच्या रिलीजसाठी आतुर होते. 11 ऑगस्ट 2023 रोजी रणबीर कपूरचा 'अ‍ॅनिमल'' चित्रपटगृहात दाखल होणार आहे. या चित्रपटात सुपरस्टार रणबीर कपूरशिवाय साऊथची प्रसिद्ध अभिनेत्री रश्मिका मंदान्ना देखील मुख्य भूमिकेत आहे. एवढेच नाही तर बॉलिवूडचे दिग्गज अभिनेते अनिल कपूर आणि बॉबी देओल रणबीरसोबत 'अ‍ॅनिमल'मध्ये धमाल करताना दिसणार आहेत. संदीप रेड्डी वंगा यांनी 'अ‍ॅनिमल' चित्रपटाचे दिग्दर्शन केल्याची माहिती आहे.