Ranbir- Alia latest News: बॉलिवुडमधील प्रसिद्ध अभिनेत्री आलिया भट्टला झी सिने अवॉर्ड्स 2023 मध्ये 'गंगूबाई काठियावाडी' मधील तिच्या उत्कृष्ट अभिनयासाठी सर्वोत्कृष्ट अभिनेत्री म्हणून पुरस्कार मिळाला आहे. 

आलियाने ट्रॉफीसह एक सुंदर फोटो सोशल मिडियावर शेअर केला आहे. खास म्हणजे आलियाच्या खास क्षणाचा हा फोटो रणबीर कपूरने मध्यरात्री क्लिक केला होता. या फोटो खाली कॅप्शन लिहित आलियाने रणबीरचे आभार देखील मानले आहे.

• आलियाने ट्रॉफीसह शेअर केला फोटो

आलियाने तिचा खास क्षणाचा फोटो इंस्टाग्रामवर शेअर केला आहे. फोटोमध्ये (Photo) आलिया तिच्या बेडवर बसून ट्रॉफी हातात धरताना दिसत आहे. आलियाचा हा फोटो तिच्यासाठीही खास आहे. कारण तो फोटो रणबीर क्लिक केला आहे. आलियाने पहाटे 2 वाजता ‘फोटो’ क्लिक केल्याबद्दल रणबीरचे आभार मानले.

• रणबीरने मध्यरात्री आलियाचा बनला फोटोग्राफर
  

आलियाने फोटो इंस्टाग्राम स्टोरीजवर शेअर करत लिहिले, "गंगू प्रेम. या सन्मानासाठी झी सिने अवॉर्ड्सचे आभार! सर मी तुमची आभारी आहे याचे वर्णन करण्यासाठी शब्द नाहीत - भन्साळी प्रॉडक्शन. पहाटे 2 वाजता माझा फोटो क्लिक केल्याबद्दल माझ्या रणबीरचे खास आभार मानले आहे.

• दादासाहेब फाळके पुरस्काराने सन्मान
  

या कार्यक्रमातील आलियाच्या लूकबद्दल सांगायचे तर, साध्या लूकमध्येही ती खूपच सुंदर दिसत होती. तिने हाय स्लिट ग्रीन गाऊन घातला होता. आलियाने अलीकडेच दादासाहेब फाळके पुरस्काराने सन्मानित करण्यात आले होते. तर रणबीर कपूरला ब्रह्मास्त्र या चित्रपटामधील उत्तम भुमिकेसाठी सर्वोत्कृष्ट अभिनेत्याचा पुरस्कार मिळाला होता.

• रणबीर कपूर आणि आलिया भट्ट वर्क फ्रंट
  

वर्क फ्रंटबद्दल बोलायचे तर, रणबीर कपूरचा श्रद्धा कपूरसोबतचा आगामी चित्रपट 'तू झुठी में मक्कर' लवकरच थिएटरमध्ये रिलीज होणार आहे. तो रश्मिका मंदान्नासोबत 'अॅनिमल' मध्येही दिसणार आहे. दुसरीकडे, आलिया करण जोहर दिग्दर्शित 'रॉकी और रानी की प्रेम कहानी' मध्ये तिचा गली बॉय को-स्टार रणवीर सिंगसोबत दिसणार आहे.