रणबीर कपूर (Ranbir Kapoor) आणि आलिया भट्ट (Alia Bhatt) हे बॉलिवूडमधील बेस्ट कपलपैकी एक आहेत, दोघांमधील केमिस्ट्री त्यांच्या चाहत्यांना खूप आवडते. आलिया भट्ट सध्या तिच्या आगामी ' गंगूबाई काठियावाडी ' या चित्रपटामुळे चर्चेत आहे, नुकताच या चित्रपटाचा ट्रेलर रिलीज झाला आहे, ज्यामध्ये आलियाच्या बोल्ड आणि कडक अंदाज बघायला मिळाला आहे. त्याचवेळी आलियाच्या या चित्रपटासाठी रणबीर कपूरनेही खास पद्धतीने प्रमोशन केले. नुकताच गंगूबाई काठियावाडीचा ट्रेलर रिलीज झाल्यानंतर पैपराजींनी रणबीर कपूरला ट्रेलर कसा आवडला विचारले. यावर रणबीरने आलियाची नमस्ते पोज कॉपी करून दाखवली. त्याची प्रतिक्रिया सोशल मीडियावर चांगलीच व्हायरल होत आहे. त्यानंतर आता आलियाने रणबीर कपूरला बेस्ट बॉयफ्रेंडही म्हटलं आहे. (Ranbir Kapoor became Best Boyfriend for Alia Bhatt)

रणबीर बेस्ट बॉयफ्रेंड

आलियाच्या गंगूबाई काठियावाडी या चित्रपटाचा ट्रेलर सध्या खूप चर्चेत आहे. त्याचवेळी आलियाचा प्रेमाचा रंगही रणबीर कपूरवर चढला आहे. त्याने सर्वांसमोर तिची नमस्ते स्टाईल कॉपी करून आपले प्रेम व्यक्त केले. आता अशा परिस्थितीत आलिया देखील रणबीरच्या स्टाईलवर इतकी खूश होती की तिने तिच्या इंस्टाग्राम स्टोरीमध्ये स्वतःचा आणि रणबीरचा एकाच पोजमध्ये असलेला फोटो शेअर केला आणि 'बेस्ट बॉयफ्रेंड' असे कॅप्शन दिले.

याआधीही आलिया अनेकदा सोशल मीडियावर रणबीरवरील प्रेम व्यक्त केले आहे. दोघे अनेकदा एकत्र पार्टी आणि व्हेकेशन साजरे करताना दिसतात. रणबीर कपूर आणि आलिया भट्ट चार वर्षांपासून एकमेकांना डेट करत आहेत. त्यांच्या कुटुंबाचे देखील एकमेकांशी चांगले नाते आहे. ब्रह्मास्त्र या चित्रपटात दोघेही पहिल्यांदाच एकत्र काम करणार आहेत. या चित्रपटात रणबीर कपूर शिवाच्या भूमिकेत दिसणार आहे. त्याचबरोबर अमिताभ बच्चन, मौनी रॉय, नागार्जुन देखील या चित्रपटात काम करणार आहेत.