बॉलीवूडमधील (Bollywood) क्यूट कपलपैकी एक रणबीर कपूर (Ranbir Kapoor) आणि आलिया भट्ट (Alia Bhatt) यांच्या लग्नाच्या बातम्या सध्या सोशल मिडियावर (Social Media) सुरू आहेत. मिळालेल्या माहितीनुसार रणबीर आणि आलिया एप्रिल महिन्यात सात फेरे घेणार आहेत. रणबीर आणि आलिया भट्टचा साडी फॅशन ब्रॅंड आणि डिझाइनारसोबतचा फोटो (Photo) सोशल मिडियावर व्हायरल होत आहे. यामुळे त्यांचे चाहते (Fans) चांगलेच उत्साहित झाले आहेत. या दोघांनीही लग्नाची शॉपिंग (Wedding Shopping) सुरू केल्याचे दिसत आहे.(ranbir kapoor alia bhatt started wedding shopping)

ब्राईडल कांचीपुरम साडी ब्रँडच्या सीईओ बीना कन्नन यांनी त्यांच्या इंस्टाग्राम अकाउंटवर आलिया आणि रणबीरसोबतच फोटो शेअर केला आहे. आलियाने पांढऱ्या रंगाचा कुर्ता आणि रणबीरने निळ्या रंगांचा शर्ट आणि जीन्स घातला आहे. या दोघांचा फोटो समोर येताच त्यांच्या चाहत्यांनी यांची लग्नाची शॉपिंग सुरू झालीय असा अंदाज बंधायला सुरुवात केली आहे. या पोस्टवर चाहत्यांनी कमेंट आणि लाईक्सचा वर्षाव होत आहे.

रणबीर कपूर (Ranbir Kapoor) आणि आलिया भट्ट (Alia Bhatt) आगामी चित्रपट 'ब्रह्मास्त्र'मध्ये दिसणार आहे. अयान मुखर्जी दिग्दर्शित हा चित्रपट 9 सप्टेंबर 2022 रोजी प्रदर्शित होणार आहे.