cworked with Amitabh bachchan and Rajesh Khanna Dainik Gomantak
मनोरंजन

रमेश देव यांनी बीग बी-राजेश खन्नांसोबत केले काम

रमेश देव राजस्थानच्या जोधपूरमधील ठाकूर घराण्यातील होते.

दैनिक गोमन्तक

मराठी आणि हिंदी चित्रपटसृष्टीतील ज्येष्ठ अभिनेते रमेश देव (Ramesh Deo) यांचे वयाच्या 93 व्या वर्षी निधन झाले. याबाबत माहिती देताना अभिनेता अजिंक्य देव यांनी सांगितले की, रमेश देव यांचे हृदयविकाराच्या झटक्याने निधन झाले आहे. गेल्या महिन्यात, रमेश देव झी अवॉर्ड्समध्ये दिसले होते, जिथे त्यांनी सांगितले होते की ते 100 वर्षे जगतील. ते आयुष्याबद्दल खूप सकारात्मक होते. रमेश देव यांनी काल मुंबईतील धीरूभाई अंबानी रुग्णालयात अखेरचा श्वास घेतला. रमेश देव यांच्या पत्नी सीमा देव याही अभिनेत्री राहिल्या आहेत. त्यांचे अनेक चित्रपट हिट झाले आहेत.

ज्येष्ठ कलाकार रमेश देव

त्यांचा जन्म 30 जानेवारी रोजी महाराष्ट्रातील कोल्हापूर येथे झाला होता. राजश्री प्रॉडक्शनचा 'आरती' हा रमेश देव यांचा पहिला चित्रपट होता. त्यांनी आपल्या करिअरमध्ये अमिताभ बच्चन, राजेश खन्ना, शत्रुघ्न सिन्हा यांसारख्या स्टार्ससोबत काम केले आहे. त्यांनी अनेक हिंदी आणि मराठी चित्रपटांमध्ये भूमिका केल्या आहेत. रमेश देव यांनी 1955 मध्ये आपल्या करिअरची सुरुवात केली होती. आतापर्यंत त्यांनी 450 चित्रपट आणि 250 जाहिरातींमध्ये काम केले आहे. याशिवाय त्यांनी टीव्ही मालिका, माहितीपट आणि अनेक फीचर फिल्म्सची निर्मिती केली आहे.

रमेश देव यांना अनेक पुरस्कार प्रदान करण्यात आले. रमेश देव यांनी जेव्हा अभिनेता म्हणून चित्रपटसृष्टीत पाऊल ठेवले तेव्हा त्यांनी 'पाताळाची पोर' नावाच्या मराठी चित्रपटात काम केले होते. 11 व्या पुणे आंतरराष्ट्रीय चित्रपट महोत्सव 2013 मध्ये त्यांना जीवनगौरव पुरस्काराने सन्मानित करण्यात आले. त्यांचे मराठी चित्रपटसृष्टीत मोठे योगदान आहे.

रमेश देव यांनी पत्नीसोबतही अनेक चित्रपट केले. या जोडीवर प्रेक्षकांनी खूप प्रेम केले. त्याच्या कामगिरीचेही कौतुक झाले. 1962 मध्ये त्यांनी 'वरदक्षिणा' चित्रपटात एकत्र काम केले होते. या चित्रपटादरम्यान दोघेही एकमेकांच्या प्रेमात पडले. नंतर विलंब न लावता त्याच वर्षी त्यांचे लग्न झाले. 2013 मध्ये या जोडीच्या लग्नाला 50 वर्षे पूर्ण केली. रमेश देव यांनी अनेक हिट चित्रपट दिले. त्यात 'आनंद', 'घराना', 'सोने पे सुहागा', 'गोरा', 'मिस्टर इंडिया', 'कुदरत का कानून', 'दिलजला', 'शेर शिवाजी', 'प्यार किया है प्यार करेंगे' अशा काही चित्रपटांचा समावेश आहे. राहिले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

बॅटरीचा राजा येतोय! Redmi 15 5G लाँचिंगसाठी सज्ज, 7000mAh बॅटरी करणार कमाल; जाणून घ्या अफलातून फीचर्स

IND vs ENG: भारतासाठी ओव्हल 'लकी' की 'अनलकी'? कसा आहे टीम इंडियाचा रेकॉर्ड? गिल सेना करणार मोठा चमत्कार

Goa Made Liquor Seized: गोवा बनावटीच्या दारूची तस्करी; सिंधुदुर्गातील इन्सुली चेकपोस्टवर 6.80 लाखांचा मुद्देमाल जप्त, दोघे ताब्यात

Lung Cancer: फुफ्फुसाच्या कर्करोगाचा तरुणाईला विळखा, 50 वर्षांखालील 21 टक्के लोकांना जखडलं; जाणून घ्या का वाढतोय धोका?

Goa Assembly: गोव्याच्या पर्यटन क्षेत्रात वाढ, जून 2025 पर्यंत 54.5 लाख पर्यटकांची नोंद, मंत्री रोहन खंवटेंची माहिती; वाचा दिवसभरातील घडामोडी

SCROLL FOR NEXT