राजकुमार राव हा बॉलिवूडचा एक अष्टपैलू अभिनेता म्हणून ओळखला जातो. गॅंग्ज ऑफ वासेपूर , शादी मे जरूर आना, ट्रॅप, न्यूटन आणि आता आलेला भीड या चित्रपटांतुन राजकुमार रावने आपल्या अभिनयाची झलक दाखवून दिली आहे. सध्या राजकुमार राव वेगळ्याच कारणाने चर्चेत आहे.

अलीकडेच प्लास्टिक सर्जरी केल्याबद्दल लोकांनी राजकुमार रावला ट्रोल केले. आता राजकुमार राव यांनीही यावर प्रतिक्रिया दिली असून या बातमीवर त्याने मौन सोडले आहे. अभिनेता राजकुमार रावने त्याच्या ताज्या मुलाखतीत सांगितले आहे की, त्याच्यावर खरोखर शस्त्रक्रिया झाली का?

अलीकडेच राजकुमार रावने एका मुलाखतीत संवाद साधला तेव्हा याबद्दल सांगितले . या मुलाखतीत त्याच्या 'भीड' चित्रपटापासून प्लास्टिक सर्जरीच्या अफवांवर मनमोकळेपणाने भाष्य केले.या मुलाखतीत राजकुमार रावला एक कमेंट दाखवली ज्यात लिहिले होते की त्याने प्लास्टिक सर्जरी केली आहे का? 

यावर राजकुमार राव म्हणाला, 'नाही भाऊ, प्लास्टिक सर्जरी झाली नाही.' स्वत:बद्दलच्या अशा बातम्या वाचून कसं वाटतं, असा प्रश्न त्याला विचारण्यात आला. तो म्हणाला, 'काही नाही, चेहऱ्यावर हसू येते. छान, लोक माझ्याबद्दल बोलत आहेत.

अलीकडेच, या बॉलीवूड अभिनेत्याने हेदेखील सांगितले की त्याला त्याच्या लुकबद्दल नकारांना कसे सामोरे जावे लागले. राजकुमार राव यांनी सांगितले होते की, त्यांना अनेकदा नकाराचा सामना करावा लागला. 

कधी त्याला सांगितले गेले की तो उंच नाही, तर कोणी सांगितले की त्याचे व्यक्तिमत्व योग्य नाही. अभिनेत्याने सांगितले की लोकांना असे वाटायचे की माझ्या भुवया योग्य आकारात नाहीत आणि मी विचित्र दिसतो.

या संवादात राजकुमार रावने आपल्या अभिनयाबद्दल सांगितले आणि म्हणाला, 'अभिनयाचे काय? मला वाटतं अभिनय आणि काम या दोनच गोष्टी अभिनेत्याला पुढे घेऊन जातात बाकी काही नाही. इथे तुमची प्रतिभा बोलते आणि दुसरे काही नाही.

राजकुमार राव सध्या अनुभव सिन्हा दिग्दर्शित 'भीड' या चित्रपटामुळे चर्चेत आहे. या चित्रपटात राजकुमार राव एका पोलिस अधिकाऱ्याच्या भूमीकेत आहे.