शिल्पा शेट्टीचा बिझनेसमन पती राज कुंद्रासाठी हे वर्ष खूप कठीण गेलं आहे. पोर्नोग्राफी प्रकरणात त्याला अटक करण्यात आली होती, मात्र नंतर त्याला जामीन मंजूर करण्यात आला. सध्या तो तुरुंगातून बाहेर कुटुंबासह घरी आहे. पण सध्द्या अशी बातमी अशी आहे की, राज कुंद्राने आपल्या 'किनारा' बंगल्याचा एक मजला पत्नी शिल्पा शेट्टी कुंद्राला हस्तांतरित केला आहे, ज्यामध्ये 5 फ्लॅट आहेत आणि या मालमत्तेची किंमत ही 38.5 असल्याचे सांगितले जाते. मात्र, मालमत्ता हस्तांतरणाबाबत दोघांपैकी एकाकडूनही अद्याप कोणताही प्रतिसाद मिळालेला नाही.

लविंग कपल प्रेमी कपलच्या यादीत

उल्लेखनीय म्हणजे या जोडप्याचं नाव बी-टाऊनच्यालविंग कपल मध्ये ही समाविष्ट आहे. त्यामुळे या दोघांचं खास बॉण्डिंग अनेक जोडप्यांना रिलेशनशिप गोल्स देऊन जातं. शिल्पा(Shilpa Shetty)-राज कुंद्राच्या (Raj Kundra) लग्नाला 12 वर्षे पूर्ण झाले. 22 नोव्हेंबर 2009 रोजी शिल्पाने राज कुंद्रासोबत सात फेरे घेतले होते. या दाम्पत्याला एक मुलगा आणि एक मुलगी आहे. शिल्पा शेट्टी चित्रपटांतली मोठी अभिनेत्री, तर राज कुंद्राही श्रीमंत बिझनेसमन आहे. राज कुंद्रा यांनी पश्मिना शाल विकून आपल्या करिअरची सुरुवात केली आणि आज त्यांच्याकडे कोट्यवधी रुपयांची संपत्ती आहे. पोर्नोग्राफी प्रकरणात कुंद्राचं नाव समोर आल्यानं शिल्पा थोडी नाराज झाली असली तरी तिनं ही बाब अत्यंत संयमानं घेतली.

शिल्पाच्या नावे 5 फ्लॅट्स

आता प्रॉपर्टी ट्रान्सफरबद्दल बोलूया,माध्यमांच्या माहीतीनुसार, राज कुंद्राने आपल्या 'किनारा' फ्लॅटचा पहिला मजला शिल्पाच्या नावावर केला आहे. या मजल्यावर 5 फ्लॅट आहेत. या मालमत्तेची किंमत 38.5 असल्याचे सांगितले जाते. या कागदपत्रानुसार, शिल्पा शेट्टीने फ्लॅट ट्रान्सफर करण्यासाठी 1.9 कोटी रू. मुद्रांक शुल्क भरले असून 21 जानेवारी 2022 रोजी हा व्यवहार करण्यात आला होता.

'किनारा' बंगल्यात वास्तव्य

राज कुंद्राचं खरं नाव रिपू सुदान कुंद्रा असून राज आणि शिल्पा सध्या त्यांच्या 'किनारा' नावाच्या बंगल्यात राहत आहेत. या जोडप्याचा बंगला मुंबईच्या जुहू परिसरातील गांधीग्राम रोडवर असून समुद्र किनाऱ्यापासून सुमारे 300 मीटर अंतरावर आहे. हा बंगला एकूण 5995 चौरस फुटांवर पसरलेला असून या मालमत्तेची किंमत 38.5 कोटी असल्याचे सांगण्यात येते.