अल्लू अर्जुनच्या पुष्पा (Pushpa The Rise) चित्रपटाने बॉक्स ऑफिसवर धम्माल केली आहे. पुष्पा ब्लॉकबस्टर ठरल्यानंतर आता प्रेक्षक पुष्पा 2 ची आतुरतेने वाट पाहत आहेत. पुष्पा 2 बद्दल रोज नवनवीन बातम्या समोर येत आहेत. नुकतीच अभिनेत्री रश्मिका मंदण्णा हिने चित्रपटाच्या शूटिंगची माहिती शेअर केली आहे. याशिवाय या चित्रपटात अर्जुन कपूरच्या झळकणार असल्याच्या बातम्याही आल्या आहेत, ज्यावर आता निर्मात्यांचे वक्तव्य समोर आले आहे.

या चित्रपटात अर्जुन कपूर (Arjun Kapoor) दिसणार असल्याच्या बातम्या मीडियामध्ये आल्या होत्या. असे म्हटले जात होते की पुष्पा 2 मध्ये अर्जुन कपूर लीड व्हिलन म्हणजेच फहद फासिलची भूमिका बदलू शकतो. अशा बातम्यांवर आता चित्रपटाच्या दिग्दर्शकाचे वक्तव्य समोर आले आहे. एका मुलाखतीत पुष्पा 2 (Pushpa 2) चे निर्माते नवीन येरनेनी यांनी एक निवेदन देताना या वृत्ताचे पूर्णपणे खंडन केले आहे. तो म्हणाला की पुष्पा 2 मध्ये फक्त फहद फासिल मुख्य भूमिकेत दिसणार आहे.

शूटिंग लोकेशनचीही माहिती दिली

निर्मात्याने आपल्या निवेदनात पुढे म्हटले आहे की पुष्पा 2 मध्ये अर्जुन कपूरची बातमी 100% खोटी आहे. पुढे चित्रपटाच्या (Movie) शूटिंगची माहितीही त्यांनी शेअर केली आहे. या महिन्यात पुष्पा 2 चे शूटिंग देखील सुरु होणार असल्याचे सांगितले. चित्रपटाचे शूटिंग 20 ते 30 तारखेदरम्यान सुरू होणार आहे. याशिवाय, चित्रपटाच्या शूटिंग लोकेशनबद्दल बोलताना ते म्हणाले की पुष्पा 2 चे पहिले शेड्यूल हैदराबादमध्ये शूट केले जाईल. त्यानंतर जंगलात किंवा इतर ठिकाणी त्याचे शूटिंग केले जाईल.

अल्लू अर्जुन आणि रश्मिका मंदान्ना यांचा चित्रपट पुष्पा 2 ची शूटिंग लवकरच सुरु होणार आहे. यापूर्वी, पुष्पा चित्रपटाचा पहिला भाग डिसेंबर 2021 मध्ये प्रदर्शित झाला होता. जो बॉक्स ऑफिसवर (Box Office) ब्लॉकबस्टर ठरला होता.