ब्रिटनचा राजपुत्र प्रिन्स हॅरी आणि त्याची पत्नी मेघन यांचा राजघराण्याशी असलेला दुरावा अजुनही कायम आहे. मिळालेल्या माहितीनुसार, प्रिन्स हॅरी आणि मेघन मार्कल यांना राजघराण्याने राणीच्या डेथ ॲनिव्हर्सरीच्या कार्यक्रमासाठी बोलावलं नाही.

मेघन मार्कल आणि प्रिन्स हॅरीला आमंत्रण नाहीच

मेघन मार्कल आणि प्रिन्स हॅरी राणी एलिझाबेथ II च्या डेथ ॲनिव्हर्सरीच्या श्रद्धांजली कार्यक्रमाचा भाग असणार नाहीत. द सनच्या वृत्तानुसार , या जोडप्याला बालमोरल कॅसल येथे राजघराण्यामध्ये सामील होण्यासाठी आमंत्रित करण्यात आले नव्हते. राजघराण्याने 4 ऑगस्ट रोजी मेघन मार्कलला तिच्या वाढदिवसाच्या शुभेच्छाही दिल्या नव्हत्या.

द सनने दिले अधिकृत वृत्त

द सनने दिलेल्या वृत्तानुसार, प्रिन्स हॅरी आणि मेघन मार्कल या दोघांनाही बालमोरल कॅसलमध्ये राजकुटुंबात सामील होण्यासाठी आमंत्रित केले गेले नाही. सूत्राने सांगितले, “त्यांच्यापर्यंत कोणताही संपर्क झालेला नाही.

2020 मध्येच शाही कर्तव्ये सोडली होती

अहवालानुसार, राणी एलिझाबेथच्या निधनाच्या एक वर्षाच्या वर्धापन दिनानिमित्त, पाहुण्यांची यादी तयार करण्यात आली आहे. विशेष श्रद्धांजलीसाठी राजघराण्यातील सर्व जवळचे सदस्य उपस्थित राहण्याची अपेक्षा आहे.  प्रिन्स हॅरी आणि मेघन यांनी 2020 मध्येच अधिकृत शाही कर्तव्ये सोडली होती.

राणीचा मृत्यू

2022 मध्ये गेल्या वर्षी झालेल्या राणी एलिझाबेथच्या अंत्यसंस्कारात हॅरी आणि मेघन यांना शेवटचे शाही कुटुंबातील इतर सदस्यांसह एकत्र पाहिले गेले होते.

राणी एलिझाबेथ दुसरी यांचे गेल्या सप्टेंबरमध्ये ९६ व्या वर्षी निधन झाले. या वर्षाच्या सुरुवातीला मे महिन्यात वेस्टमिन्स्टर अॅबे येथे झालेल्या राज्याभिषेक सोहळ्यात किंग चार्ल्सचा राज्याभिषेक झाला.

प्रिन्स चार्ल्सचा राज्याभिषेक

प्रिन्स हॅरीने राज्याभिषेक समारंभात आपली उपस्थिती दर्शविली , जिथे त्याला त्याचा भाऊ प्रिन्स विल्यम्सच्या दोन रांगांच्या मागे ठेवण्यात आले होते. तेथे तो त्याचे चुलत भाऊ आणि काका प्रिन्स अँड्र्यू यांच्यासोबत दिसला होता. दरम्यान, त्याची पत्नी मेघनने मार्कलने राज्याभिषेक सोहळा न जाण्याचा निर्णय घेतला होता.

 नंतर ती तिच्या जवळच्या मित्रांसोबत हायकिंग करताना दिसली. वरवर पाहता, तिने आमंत्रण समारंभ नाकारला होता कारण राज्याभिषेकाच्या दिवशीच त्यांचा मुलगा आर्चीचा 4 था वाढदिवस होता.