Tere Ishk Mein: आपल्या सहज अभिनयासाठी ओळखला जाणारा अभिनेता म्हणजे धनुष हा होय. त्याच्या रांझना या सुप्रसिद्ध चित्रपटाला 10 वर्षे पूर्ण झाली आहेत. योगायोग म्हणजे रांझना चित्रपटाचे प्रसिद्ध दिग्दर्शक आनंद एल राय आणि धुनष 'तेरे इश्क में' या चित्रपटात पून्हा एकत्र दिसणार आहेत.

रांझना हा आनंद एल राय यांनी दिग्दर्शित केलेल्या चित्रपटांपैकी सर्वात हिट ठरलेला चित्रपट आहे. ते म्हणतात- 'रांझना माझ्या सर्वात जवळचा चित्रपट आहे, रांझनाच्या टीमबरोबर, धनुषबरोबर पुन्हा काम करण्यास मी उत्सुक आहे.'

याबरोबरच त्यांनी, तनु वेड्स मनू, अतरंगी रे, गुडलक जेरी, अ‍ॅक्शन हिरो अशा चित्रपटांचे दिग्दर्शन करत चित्रपटसृष्टीला एकापेक्षा एक उत्तम चित्रपट दिले आहेत.

दरम्यान, आनंद एल राय आणि धनुष यांनी 'रांझना' ( 2013 ) आणि 'अतरंगी रे' या चित्रपटात एकत्र काम केले आहे. रांझना चित्रपटात या जोडीने लेखक हिमांशू शर्मा, गीतकार इर्शाद कामिल आणि संगीतकार ए.आर. रहमान यांच्यासमवेत 2013 मध्ये असा चित्रपट प्रेक्षकांसमोर आणला ज्याची जादू आजही टिकून आहे.