Padma Awards 2024: प्रजासत्ताक दिनाच्या पूर्वसंध्येला गुरुवारी केंद्र सरकारकडून पद्म पुरस्कारांची घोषणा करण्यात आली. यंदा पाच सेलिब्रिटींना पद्मविभूषण, 17 जणांना पद्मभूषण आणि 110 जणांना पद्मश्रीने सन्मानित करण्यात येणार आहे. यामध्ये मिथुन चक्रवर्तीपासून चिरंजीवी, उषा उथुप, अभिनेता विजयकांत, वैजयंतीमालापर्यंत हिंदी चित्रपटसृष्टीतील अनेक कलाकारांच्या नावांचा समावेश आहे.

हे पुरस्कार ,सामाजिक कार्य, सार्वजनिक व्यवहार, विज्ञान आणि अभियांत्रिकी, व्यापार आणि उद्योग, औषध, साहित्य आणि शिक्षण, क्रीडा, नागरी सेवा आणि इतर क्षेत्रात दिले जातात.

पद्मविभूषण' असाधारण आणि विशिष्ट सेवेसाठी दिला जातो. 'पद्मभूषण' हा उच्च दर्जाच्या सेवेसाठी आणि 'पद्मश्री' हा कोणत्याही क्षेत्रातील विशिष्ट सेवेसाठी दिला जातो. दरवर्षी प्रजासत्ताक दिनानिमित्त या पुरस्कारांची घोषणा केली जाते.

वैजयंती माला, कोनिडेला चिरंजीवी, पद्मा सुब्रमण्यम, मिथुन चक्रवर्ती, उषा उथुप, अभिनेते विजयकांत या कलाकरांना पद्म पुरस्काराने गौरवले जाणार आहे.

हा पुरस्कार भारताचे राष्ट्रपती दरवर्षी मार्च/एप्रिल महिन्यात राष्ट्रपती भवनात आयोजित समारंभात दिला जातो. यावर्षी, 30 पुरस्कार विजेत्यांमध्ये महिला आणि 8 परदेशी/एनआरआय/पीआयओ/ओसीआय श्रेणीतील व्यक्ती आणि 9 मरणोत्तर पुरस्कार विजेत्यांचा समावेश आहे.