मनोरंजनसृष्टीसाठी ऑस्कर सोहळ्याचे महत्व खूप आहे. १० मार्च २०२४ ला हा सोहळा पार पडणार आहे. संपूर्ण जग ऑस्कर सोहळा पाहण्यासाठी उत्सुक असल्याचे पाहायला मिळत आहे. आता २७ फेब्रुवारीला शोचे प्रेजेंटर कोण असणार याची यादी जाहीर केली आहे.
पहिल्या फेरीत झेंडाया, मिशेल फिफर, निकोलस केज, अल पचिनो, माहेरशाला अली, जेमी ली कर्टिस, ब्रेंडन फ्रेझर, जेसिका लाँग, मॅथ्यू मॅककोनाघी, लुपिता न्योंग, मिशेल येओ आणि सॅम रॉकवेल यांचा समावेश आहे.
असे सांगितले जात आहे की लवकरच ऑस्करकडून सादरकर्त्यांची दुसरी फेरी यादी देखील येणार आहे. भारतीय चित्रपटसृष्टीतील एक स्टार दुस-या फेरीत असेल अशी चाहत्यांना आशा आहे. गेल्या वर्षी दिपीका पादुकोनने एसएस राजामौली यांच्या आरआरआर या चित्रपटाची प्रस्तावना दिली होती. तिचे हे भाषण सोशल मीडियावर व्हायरल झाल्याचे पाहायला मिळाले होते. या चित्रपटातील 'नाटू नाटू' या गाण्याला सर्वोत्कृष्ट मूळ गाण्याचा ऑस्कर पुरस्कार मिळाला. तर याआधी 2016 मध्ये प्रियांका चोप्राची प्रेझेंटर म्हणून निवड झाली होती.
जिमी किमेल तब्बल ३ वर्षांनी यजमान म्हणून पुनरागमन करत आहे. याआधी त्याने तीन वेळा ऑस्कर सोहळ्यात अँकर म्हणून काम केले आहे. आता यावर्षी कोणती भारतीय व्यक्ती भारताचे प्रतिनिधित्व करणार हे पाहणे महत्वाचे ठरणार आहे. याबरोबरच, यंदा ऑस्कर पुरस्कार कोण घरी घेऊन जाणार हे पाहण्यासाठीदेखील चाहते उत्सुक असल्याचे पाहायला मिळत आहे. भारतात हा सोहळा १० मार्चला डिज्नी प्लस हॉटस्टार सकाळी पाच वाजता पाहायला मिळणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.