Nawazuddin Siddiqui: नवाजुद्दीन सिद्दीकी हा बॉलिवूड इंडस्ट्रीतील दिग्गज कलाकारांपैकी एक आहे. आजवर त्याने आपल्या दमदार अभिनयाच्या जोरावर प्रेक्षकांची मने जिंकली आहेत. देशात आणि जगात आपल्या अभिनयाने स्वताला सिद्ध केल्यानंतर नवाजुद्दीन सिद्दीकी आता साऊथ इंडस्ट्रीत पाऊल ठेवायला सिद्ध झाला आहे.

बॉलिवूड( Bollywood) अभिनेता नवाजुद्दीन सिद्दीकीने शनिवारी सुपरस्टार व्यंकटेशसोबतचा त्याचा तेलुगू डेब्यू चित्रपट 'संधव'ची घोषणा केली. त्याने ट्विटरवर फोटो शेअर करून त्याच्या चाहत्यांना ही आनंदाची बातमीची माहिती दिली आहे.

शैलेश कोलानू दिग्दर्शित या चित्रपटात राणा डग्गुबती आणि नागा चैतन्य देखील दिसणार आहेत.फोटो शेअर करत त्याने लिहले आहे की,आजपर्यत सर्वात ऊर्जावान व्यक्तीसोबत म्हणजेच वेंकटेश दग्गुबाती काम करण्यास मी सज्ज आहे.

त्याचबरोबर, शैलेश कोलानू ने नवाजुद्दीन सिद्दीकीबाबत ट्वीटरवर लिहले आहे की आपल्याकडच्या सगळ्यात चांगल्या अभिनेत्यांपैकी एक नवाजुद्दीन सिद्दीकीबरोबर काम करण्याची संधी मिळत असल्याने मी खूप आनंदी आणि उत्साही आहे. हा वेगळा प्रयोग असणार आहे मी तुम्हाला आश्वस्त करतो असेही त्यांनी म्हटले आहे. त्यांच्या या घोषणेने नवाजुद्दीनच्या चाहत्यांनी आनंद व्यक्त करत त्याला शुभेच्छा दिल्या आहेत.