दाक्षिणात्य अभिनेत्री रश्मिका मंदाना (Rashmika Mandana) ही नॅशनल क्रश म्हणून ओळखली जाते. तिचे अनेक बॉलिवूड चित्रपट सध्या पाईपलाईनमध्ये आहेत. अशातच रश्मिकाची रणबीर कपूरच्या 'अॅनिमल' (Animal) या चित्रपटामध्ये एन्ट्री झाली आहे. या चित्रपटामध्ये (Movie) रश्मिका रणबीर कपूरच्या विरोधात भूमिका साकारताना दिसणार आहे. (Rashmika Mandana And Ranbir Kapoor Movie News)

'अॅनिमल' हा चित्रपट 11 ऑगस्ट 2023 रोजी रिलीज होणार आहे. रश्मिका मंदानाच्या आधी परिणीती चोप्राला (Parineeti Chopra) या चित्रपटासाठी विचारण्यात आले होते. 'अॅनिमल' या चित्रपटाच्या शूटिंगला येत्या जून महिन्यात सुरुवात होणार आहे.

'अॅनिमल' या चित्रपटाचे दिग्दर्शन संदीप रेड्डी वांगा करणार आहेत. भूषण कुमार आणि कृष्णा कुमार यांची 'टी-सीरिज', प्रणय रेड्डी वंगाचे 'भद्रकाली पिक्चर्स' आणि मुराद खेतानी यांचा 'सिने 1 स्टुडिओ' 'अॅनिमल' या गुन्हेगारी चित्रपटाची निर्मिती करणार आहे.