Na Dho Mahanor Passed Away: जेष्ठ साहित्यिक ना. धो. महानोर (वय 81) यांचे निधन झाले. पुण्यातील रुबी रुग्णालयात त्यांनी अखेरचा श्वास घेतला. गेल्या काही दिवसांपासून ते किडनीच्या विकाराने आजारी होते. त्यांच्या निधनानंतर साहित्य, चित्रपट, राजकीय क्षेत्रातून हळहळ व्यक्त केली जात आहे.

16 सप्टेंबर 1942 ला जन्म झालेल्या ना. धो. महानोर यांनी रानकवी म्हणून स्वत:ची वेगळी ओळख निर्माण केली. ते स्वत: शेतकरी असल्याने त्याचे प्रतिबिंब त्यांच्या कवितेत दिसत असल्याचे अनेक कवितेतून दिसून येते. ते विधान परिषदेचे माजी आमदारही होते. जैत रे जैत यासह अनेक चित्रपटातील गीतेही त्यांनी लिहिली.