'मिर्झापूर'चे (Mirzapur) आतापर्यंत दोन सीझन प्राईम व्हिडीओवर रिलीज झाले आहेत. या दोन्ही सीझनने प्रचंड प्रसिद्धी मिळवली आहे. प्रेक्षक आता या वेब सीरिजच्या तिसऱ्या सीझनची वाट पाहात आहेत. लवकरच 'मिर्झापूर'चा तिसरा सीझन प्रेक्षकांच्या भेटीला येणार आहे. रसिका दुग्गलने (Rasika Duggal) सोशल मीडियावर पोस्ट शेअर करत याबाबत माहिती दिली आहे. (Mirzapur latest News)

'मिर्झापूर'चा (Mirzapur) तिसरा सीझन लवकरच रिलीज होणार असल्याने चाहत्यांनमध्ये आनंदाचे वातावरण पाहायला मिळत आहे. 'मिर्झापूर 3'मध्ये कालीन भैया, गुड्डू पंडित व्यतिरिक्त मुन्ना भैया आणि बीना त्रिपाठी म्हणजेच रसिका दुग्गल दिसून येणार आहे. 'मिर्झापूर'च्या तिसऱ्या भागात काही नवे कलाकार देखील दिसून येणार आहेत.

कालीन भैया आणि गुड्डू 'मिर्झापूर'च्या तिसऱ्या भागात एक वेगळ्याच अंदाजात प्रेक्षकांना पाहायला मिळणार आहे. 'मिर्झापूर'चा तिसरा सीझन कधी प्रदर्शित होणार हे अद्याप स्पष्ट झालेले नाही. प्राइम व्हिडीओ (Prime Video) लवकरच 'मिर्झापूर'च्या रिलीज डेटची घोषणा करण्यात येणार आहे. प्रेक्षक या वेब सीरिजची आतुरतेने वाट पाहत आहेत.