बॉलिवुडमधील प्रसिध्द अभिनेत्री मलायका अरोरा (Malaika Arora) तिच्या व्यावसायिक आयुष्यापेक्षा तिच्या वैयक्तिक आयुष्यामुळे चर्चेत आली आहे. मलायकाचे पहिले लग्न अभिनेता अरबाज खानसोबत झाले होते. एका फोटो शूटदरम्यान दोघेही पहिल्यांदा भेटले होते आणि पहिल्याच नजरेत ते एकमेकांच्या प्रेमात पडले होते, असे म्हटले जाते. यानंतर मलायका आणि अरबाजने काही वर्षे एकमेकांना डेट केल्यानंतर 1991 मध्ये लग्न केले. या लग्नातून त्यांचा मुलगा अरहान खानचाही जन्म झाला. अरहान सध्या परदेशात असून पुढील शिक्षण पूर्ण करत आहे.

'मलायका आणि अरबाजने लग्नाच्या 19 वर्षानंतर 2017 मध्ये घटस्फोट घेतला. पण आता मलायकाला ती सेल्फ मेड असल्याचे का म्हणावे लागले हे जाणुन घेउया. 'दिल से' मधील 'छईयां-छईयां' आणि त्यानंतर 'दबंग' चित्रपटातील (Movie) 'मुन्नी बदनाम हुई' या आयटम साँगने मलाइकाने इंडस्ट्रीत आपली ओळख निर्माण केली.

मलायकावर बोलताना, इंडस्ट्रीची 'ड्रामा क्वीन' म्हटल्या जाणार्‍या राखी सावंतने (Rakhi Sawant) एकदा खरपूस समाचार घेतला आणि म्हटले की, सलमान खानच्या (Salman Khan) कुटुंबातील असल्याने मलायकाला 'आयटम गर्ल' म्हणून ओळखले जात नाही.

खान कुटुंबामुळेच मलाइकाला इंडस्ट्रीत अनेक संधी मिळाल्याचेही राखीने म्हटले होते. राखीवर राग व्यक्त करताना मलायका म्हणाली होती की, 'असे असते तर मी सलमान खानच्या प्रत्येक चित्रपटात आयटम साँग करायला हवे होते. यानंतर मलायका म्हणाली की, 'मी सेल्फ मेड आहे, मला सलमान खानने बनवले नाही'.