The Kapil Sharma Show: टेलिव्हिजनचा सर्वात लोकप्रिय कॉमेडी शो द कपिल शर्माचा नवा सीझन लवकरच टीव्हीवर पुन्हा सुरु होणार आहे. हा शो सप्टेंबरमध्ये प्रसारित होणार आहे. पण यातलीच ताजी बातमी म्हणजे या शोमधील 'सपना' म्हणून ओळखला जाणारा कृष्णा आता आगामी सीझनचा भाग नसणार आहे. होय ,तुम्हालाही वाचून धक्का बसला असेल ना ,पण हे अगदीच खर आहे. यावेळी तो कपिलच्या शोमध्ये दिसणार नसून , कृष्णाने स्वत: या शोचा भाग नसल्याची माहिती दिली आहे.

दरम्यान, या वर्षी जूनमध्ये शेवटच्या प्रसारित झालेल्या कपिल शर्मा शोच्या सीझनमध्ये कृष्णा दिसला होता. त्यानंतरही तो कपिल शोच्या क्रू मेंबर्ससोबत कपिल शर्मा लाइव्ह शोसाठी कॅनडा (Canada) आणि यूएसला (USA) गेला होता. या शोमध्ये कृष्णाने जॅकी दादा, धर्मेंद्र आणि सपनासह अनेक पात्रे साकारल्यानंतर कृष्णा द कपिल शर्मा शोमध्ये चाहत्यांचा आवडता कलाकार बनला होता. पण यावेळी तो या शोमध्ये नसल्यामुळे प्रेक्षकांना नक्कीच त्रास होणार आहे.

दुसरीकडे, द कपिल शर्मा शोचा (The Kapil Sharma Show) नवा सीझन न करण्याबाबतचा खुलासा कृष्णाने केला. शोच्या कराराबद्दल काही कारण असल्याच समजतयं. शोमध्ये कृष्णाची अनुपस्थितीमुळे प्रेक्षक सपनाच्या पात्राला नक्कीच मिस करतील. कारण सपना ही व्यक्तिरेखा चाहत्यांमध्ये खूप लोकप्रिय झाली होती. यावेळी शोमध्ये नवीन कलाकारही सहभागी होणार आहेत.

याशिवाय, सीझनमध्ये कपिल शर्माचा लूक देखील नवा राहणार आहे. कपिल शर्माने त्याच्या या नव्या लूकची झलक शेअर केली असून ,यात कपिलने आपली हेअरस्टाईल बदललेली दिसत आहे. यावेळी त्याने काळ्या रंगाचा टी-शर्ट आणि पॅन्टसह पांढरे ब्लेझर घातलेले असून त्याच्यासोबत अर्चना पूरण सिंग देखील दिसत आहे.