Amitabh Bachchan: गेल्या 23 वर्षापासून अमिताभ बच्चन होस्ट करत असलेला कौन बनेगा करोडपती हा शो प्रेक्षकांचा लाडका कार्यक्रम म्हणून प्रसिद्ध झाला आहे. या कार्यक्रमाच्या माध्यमातून नॉलेजसोबतच प्रेश्रकांचे भरपूर मनोरंजनदेखील होते.

आता कौन बनेगा करोडपती या कार्यक्रमाचा नवीन सीझन प्रेक्षकांच्या भेटीस येणार आहे. याचा एक प्रोमो रिलिज झाला असून बीग बी अमिताभ बच्चन हटके अंदाजात नव्या शोबद्दल सांगताना दिसत आहेत.

आपल्या जबरदस्त प्रोमोमध्ये अमिताभ बच्चन कविता म्हणताना दिसत आहेत. या कवितेतून भारतात, आपल्या समाजात सातत्याने बदल होतो आणि तो बदल महत्वाचा असतो. हा बदल त्यांनी वेगवेगळ्या उदाहरणांच्या माध्यमातून सांगितला आहे. ज्याप्रमाणे सर्व बदलत आहे त्याप्रमाणे कौन बनेगा करोडपतीदेखील बदलेल असे अमिताभ बच्चन यांनी शेवटी म्हटले आहे.

दरम्यान, केबीसीच्या निर्मात्यांनी शो कधी ऑन एअर होणार याबद्दल कोणतीही माहीती दिली नाही. याबरोबरच प्राइज मनी किती असेल याबद्दलही कोणतेही वक्तव्य केले नाही. मात्र रिलिज झालेल्या प्रोमोवरुन शोमध्ये नक्की काहीतरी बदल होणार असल्याने चाहते केबीसीची उत्सुकतेने वाट बघत आहेत. केबीसीमध्ये नक्की काय बदल होणार आहेत हे पाहणे महत्वाचे ठरणार आहे.