'केजीएफ चॅप्टर 2' (K.G.F Chapter 2) या बहुचर्चित (famous) चित्रपटाची रिलीज डेट जाहीर झाल्यानंतर चाहते खूप उत्साही दिसत होते. परंतु कोरोना (covid19) विषाणूची दुसरी लाट (second wave) लक्षात घेऊन चित्रपटगृहे बंद केली गेली, ज्यामुळे चित्रपटाची रिलीज तारीख पुढे ढकलण्यात आली होती.(KGF Chapter 2 release date will be announced soon)

आता मंगळवारी चित्रपटाचे दिग्दर्शक प्रशांत नील (Prashanth Neel) यांनी आपल्या अधिकृत इंस्टाग्रामवर (Instagram) एक पोस्ट शेअर करत या चित्रपटाच्या नव्या प्रदर्शनाची तारीख लवकरच जाहीर केली जाईल अशी माहिती दिली. पोस्टरवर लिहिले आहे, 'राक्षस तेव्हाच येईल जेव्हा हॉल गँगस्टरने भरलेला असेल' त्याच्या आगमनाची नवीन तारीख लवकरच जाहीर केली जाईल.याबरोबर पोस्टरमध्ये एक सैनिकही दिसला आहे. सोशल मीडियावर पोस्टर शेअर करताना त्याने लिहिले की, 'मॉन्स्टर लवकरच येत आहे'.

त्याचवेळी अभिनेत्री रवीना टंडननेही हे पोस्टर तिच्या इंस्टाग्रामवर शेअर केले आहे. सोशल मीडियावर पोस्टर शेअर करत तिने लिहिले की, 'लवकरच प्रसिद्ध झालेल्या उत्कृष्ट कृत्याचा साक्षीदार व्हा.' हा चित्रपट 16 जुलै रोजी प्रदर्शित होणार होता. चित्रपटाच्या रिलीजच्या तारखेविषयी चित्रपटाने जानेवारीत आपल्या अधिकृत ट्विटरवर एक फोटो शेअर केला होता. त्यांनी सांगितले की, 'केजीएफ चॅप्टर 2' हा चित्रपट 16 जुलै 2021 रोजी थिएटरमध्ये प्रदर्शित होईल.

या चित्रपटात दक्षिण सुपरस्टार यश अहम रॉकीची भूमिका साकारत आहे. त्यांच्याशिवाय अभिनेता संजय दत्त मुख्य खलनायक अधिराच्या भूमिकेत दिसणार असून अभिनेत्री रवीना टंडनसुद्धा एका महत्त्वपूर्ण भूमिकेत दिसणार आहे.

केजीएफ चित्रपटाचा पहिला भाग 2018 मध्ये रिलीज झाला होता. कन्नड, तामिळ, तेलगू आणि हिंदीमध्ये रिलीज झालेल्या या चित्रपटाने अनेक विक्रम केले. 250 कोटींपेक्षा जास्त कमाई करणारा हा पहिलाच कन्नड चित्रपट आणि सर्वाधिक कमाई करणारा चौथा हिंदी डब चित्रपट होता.