कार्तिक आर्यनचा बहुप्रतिक्षीत चित्रपट 'भूल भुलैया 2 चा आज ट्रेलर रिलीज झाला आहे. या भागात कार्तिक आर्यननं (Kartik Kartik Aaryan) मुख्य भूमिका साकारली असून त्याला नेटकऱ्यांचा जोरदार प्रतिसाद मिळाला आहे. हॉरर कॉमेडी (Horror Commedy) या प्रकारातील चित्रपटांना मिळणारा प्रेक्षक वर्गही मोठा आहे. त्यामुळे कार्तिक आर्यनच्या 'भूल भुलैया' कडून मोठ्या अपेक्षा आहेत. तसेच कियारा अडवाणी (Kiara Advani) आणि तब्बु मुख्य भूमिकेत दिसणार आहेत. (Bhool Bhulaiyaa 2 Trailer News)

कार्तिकनं त्याच्या सोशल मीडिया अकाउंटवरुन 'भुल भुलैय्या 2' चा (Bhool Bhulaiyaa 2) ट्रेलर शेअर केला आहे. नेटकऱ्यांनी गेल्या काही दिवसांपासून या चित्रपटाचा (Movie) ट्रेलर केव्हा प्रदर्शित होणार अशी विचारणा अभिनेत्याकडे केली होती. अखेर त्यांची प्रतिक्षा संपली आहे. हा चित्रपट येत्या 20 मे ला प्रदर्शित होणार आहे. कोरोनाचा मोठा फटका त्याच्या प्रदर्शनाला बसला. त्यामुळे निर्मात्यांनी तो आता प्रदर्शित करण्याचा निर्णय घेतला आहे. काही दिवसांपूर्वी 'भुल भुलैय्या 2' चे पोस्टरही व्हायरल झाले होते. त्याचे नेटकऱ्यांनी कौतूक केले होते.