'भूल भुलैया 2' (Bhool Bhulaiyaa 2) या चित्रपटाचा टीझर प्रदर्शित झाल्यापासून प्रेक्षक या चित्रपटाची आतुरतेने वाट पाहत आहेत. या चित्रपटात कार्तिक आर्यन आणि कियारा अडवाणी पहिल्यांदाच रुपेरी पडद्यावर झळकणार आहेत. या चित्रपटातून (Movie) कार्तिक आर्यन, कियारा आणि तब्बूचा फर्स्ट लूकही समोर आला आहे. प्रेक्षाकांना त्यांचा लुक खूप आवडला आहे. अलीकडेच कार्तिकने चित्रपटाचे आणखी एक पोस्टर सोशल मिडियावर शेअर केले आहे. (Bhool Bhulaiyaa 2 latest News)

कार्तिक आर्यनने (Kartik Aaryan) आपल्या इन्स्टाग्राम अकाऊंटवर एक 'भूल भुलैया 2' या चित्रपटाचे नवे पोस्टर शेअर केले आहे. या पोस्टरमध्ये कार्तिक 5 भूतांच्या मते बसलेला दिसत आहे. त्याने फोटो खाली लिहिले की"मिलीये मेरी साहिलियो से" आणि भुताचा इमोजी दिला आहे.

याआधी कियारा अडवाणीने (Kiara Advani) या चित्रपटामधील आपली एक झलक दाखवणार व्हिडिओ शेअर केला आहे. तिने लिहिले आहे की या चित्रपटामध्ये ती रीतची भूमिका साकारणार आहे. या पोस्टवरून असे दिसते की, चित्रपटात कियाराच्या आत भूत किंवा आत्म्याची छाया असेल.

तसेच तब्बूने देखील आपल्या इन्स्टाग्राम अकाऊंटवर एक मोशन पोस्टर शेअर केले आहे. यामध्ये तब्बू (Tabu) खूप घाबरलेली दिसत आहे. तब्बूच्या मागे एक आरसा आहे, ज्यामध्ये डायनचे केसही दिसत आहेत. तब्बूचा फर्स्ट लूक प्रेक्षकांना आवडला आहे. प्रेक्षकांमध्ये 'भूल भुलैया 2' (Bhool Bhulaiyaa 2) पाहण्यासाठी अधिक उत्सुकता निर्माण झाली आहे.

* यात काय विशेष असेल

चित्रपटाबद्दल बोलताना अनीसने पिंकविलाला सांगितले की हा चित्रपट त्याच्यासाठी खास आहे कारण हा त्यांचा पहिला हॉरर कॉमेडी चित्रपट आहे. हा विषय वेगळ्या पद्धतीने मांडणार असल्याचेही त्यांनी सांगितले. पहिला 'भुल भुलैया' हा कॉमेडी असलेला सायकोलॉजिकल थ्रिलर चित्रपट होता. ही एक हॉरर कॉमेडी आहे. लोकांना पहिल्या भागाची आठवण करून द्यावी, पण त्याचवेळी वेगळा अनुभव द्यावा, हे आव्हान आहे. चित्रपटात कार्तिक, कियाराशिवाय राजपाल यादव आणि तब्बू मुख्य भूमिकेत दिसणार आहेत.