चॅनलने आगामी एपिसोडचा प्रोमो रिलीज केला आहे. कपिल शर्माच्या या शो मध्ये पाहुणे म्हणून संजय झाला, मुमताज नसीम आणि पॉपुलर मेरठी यांच्या सोबत येणार आहेत, तारक मेहता का उल्टा चष्मा फेम शैलेश लोढा. यावरून शैलेशला मात्र चांगलेच ट्रोल केले जात आहे. कारणही तसेच आहे, शैलेशने काही काळापूर्वी कपिल शर्मा (Kapil Sharma)शोवर निशाणा साधला होता. शैलेश लोढा यांनी या शोला नाव न घेता स्लट म्हटले होते. शिवाय ते पाहून मला लाज वाटते, असेही ते म्हणाले. शैलेश मंचावरून म्हणाला होता की, मी असा कार्यक्रम करणार नाही, असे वचन सुध्दा स्वतःला दिले होते.

जुना व्हिडिओ सोशल मीडियावर व्हायरल

सोनी टीव्हीने शनिवार-रविवार स्पेशल एपिसोडचा प्रोमो रिलीज केला आहे. यात कपिल शर्माच्या शोमध्ये नामवंत कवी सहभागी होणार आहे. यामध्ये तारक मेहता (Tarak Mehata) का उल्टा चष्मा फेम शैलेश लोढा (Shailesh Lodha)यांचा सुध्दा समावेश आहे. चॅनलच्या इन्स्टा हँडलवर शैलेश लोढा यांना ट्रोल केले जात आहे. याचे कारण म्हणजे त्याने या शोबद्दल सर्वांसमोर खूप पूर्वी चांगले-वाईट सांगितले आहे. त्याचा तो व्हिडिओ चांगलाच व्हायरल झाला होता.