K-pop star Moonbin: कोरियन पॉपस्टार मूनबीनचे अवघ्या 25व्या वर्षी निधन झाल्याची माहीती मिळाली आहे. दक्षिण कोरियाच्या पोलिसांनी म्हटले आहे की तो बुधवारी संध्याकाळी राजधानी सेऊलच्या गंगनम शेजारच्या त्याच्या अपार्टमेंटमध्ये प्रतिसाद देत नसल्याचे आढळले.
मूनबिनने अनपेक्षितपणे जग सोडले आणि आकाशातील एक तारा बनला असे लेबल फँटागिओने म्हटले आहे. मात्र त्याच्या मृत्यूचे कारण अद्याप कळू शकले नाही. 2016 मध्ये त्याने बॉय बँड अॅस्ट्रोमध्ये समील झाला होता. त्याआधी त्याने मॉडेल म्हणून काम केले आहे.
बॉयबँडचे अधिकृत इंस्टाग्राम खात्यावरुन मूनबिनचे म्युझिक लेबल फॅन्टाजिओ यांनी कोरियन भाषेत ही बातमी सर्वांना सांगीतली आहे. ही अत्यंत दुखाची बाब असून आपण मूनबीनला गमावले असल्याचे म्हटले आहे.
दरम्यान, एएफपी या वृत्तसंस्थेने दिलेल्या माहितीनुसार, के-पॉप गायक लहान वयातच फँटागिओच्या प्रशिक्षणार्थी कार्यक्रमात सामील झाला होता. फेब्रुवारी 2016 मध्ये अॅस्ट्रोसोबत पदार्पण करण्यापूर्वी तो एक अभिनेता आणि मॉडेल होता.
हा ग्रुप मूळतः सहा कलाकारांचा होता, परंतु फेब्रुवारी 2023 मध्ये एक सदस्य सोडून गेला. मूनबिनची बहीण मून सुआ ही एक के-पॉप गायिका आहे, ती बिली या मुलींच्या ग्रुपचा भाग म्हणून काम करते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.