बॉलीवुड अभिनेत्री जॅकलिन फर्नांडीसची ईडीने 7 कोटींची मालमत्ता जप्त करण्यात आली आहे. (Jacqueline Fernandez assets worth Rs 7 crore seized by ED)

सक्तवसुली संचालनालयाने (ED) सुकेश चंद्रशेखर विरुद्ध खंडणी प्रकरणात जॅकलिन फर्नांडिसची 7.27 कोटी रुपयांची मालमत्ता जप्त केली. (Jacqueline Fernandez ED) सुकेशने जॅकलिनला 5.71 कोटी रुपयांच्या भेटवस्तू दिल्याचा अंदाज ईडीने याआधी व्यक्त केला आहे. त्याने जॅकलिनच्या जवळच्या कुटुंबीयांना US डॉलर 173,000 आणि जवळपास 27,000 ऑस्ट्रेलियन डॉलर्सचा निधीही दिला होता असेही ईडीने स्पष्ट केले आहे.

सुकेश चंद्रशेखर सध्या पाच वर्षे जुन्या असलेल्या फसवणुकीच्या प्रकरणात अडकलेला आहे, आणि 4 एप्रिल रोजी त्याला ईडीने या प्रकरणात अटक केली होती. तर, गेल्या वर्षी, गृह मंत्रालय आणि कायदा मंत्रालयाच्या अधिकाऱ्यांची तोतयागिरी करून दिल्लीतील एका व्यावसायिकाच्या पत्नीकडून 215 कोटी रुपये उकळल्याप्रकरणी सुकेश चंद्रशेखरला ईडीने अटक केली होती.