Ishita Dutta Baby: 'दृश्यम' चित्रपटात अजय देवगणच्या मुलीची भूमिका साकारणारी अभिनेत्री इशिता दत्ता आई झाली आहे. इशिताने मुलाला जन्म दिल्याची गुड न्यूज समोर आली आहे. या गुड न्यूजने केवळ इशिताचा पती अभिनेता वत्सल शेठच नाही तर तिचे कुटुंबीयही खूप खूश आहेत. तिच्या प्रेगन्सीच्या काळात इशिता सोशल मिडियावर खूप सक्रिय असल्याचे दिसून आले होते.

मिळालेल्या माहीतीनुसार, बाळाच्या आगमनाने तिचे संपूर्ण कुटुंब खूप आनंदी आहे. इशिताला 48 तास रुग्णालयात ठेवण्यात येईल, त्यानंतर तिला शुक्रवारी रुग्णालयातून सोडण्यात येईल. मात्र आत्तापर्यत याबद्दल इशिता किंवा वत्सल यांनी कोणतीही अधिकृत माहिती दिलेली नाही.

इशिता दत्ताने तिच्या प्रेगन्सी दरम्यान तिचे बेबी बंप फ्लॉंट करतानाचे फोटो सोशल मीडियावर शेअर केले आहेत. काही दिवसांपूर्वीच बंगाली रितीरिवाजांनुसार बेबी शॉवर केल्याचेही दिसून आले. त्याचे फोटो स्वतः इशिताने शेअर केले होते.

इशिता दत्ताचे 2017 मध्ये लग्न झाले होते. लग्नाच्या 6 वर्षानंतर आता ही अभिनेत्री आई झाली आहे. मुंबईतील जुहू येथील इस्कॉन मंदिरात इशिता आणि वत्सल यांनी लग्नगाठ बांधली होती. हे दोन्ही स्टार्स 'रिश्तों का सौदागर: बाजीगर' या टीव्ही शोच्या सेटवर भेटले होते.

शूटिंग दरम्यानच ते एकमेकांच्या प्रेमात पडले आणि त्यानंतर त्यांनी लग्न केले. इशिताने याआधी टिव्ही मालिकांमध्ये काम केले असून दृश्यम मधून तीने प्रेक्षकांच्या मनावर राज्य केले. तिने साकारलेली भूमिका प्रेक्षकांच्या पसंतीस उतरली होती. या चित्रपटात इशिताने अयज देवगणच्या मोठ्या मुलीच्या भूमिकेतून प्रेक्षकांचे मनोरंजन केले होते.

दरम्यान, तिने दिलेल्या गुड न्यूज नंतर इशिता आणि वत्सलवर शुभेच्छांचा वर्षाव होताना दिसत आहे. आता इशिता आपल्या चिमुकल्याचा चेहरा कधी दाखवणार याची उत्सुकता याची उत्सुकता चाहत्यांमध्ये दिसून येत आहे.