हृतिक रोशन (Hrithik Roshan) आजकाल अभिनेत्री आणि मॉडेल सबा आझादसोबत रिलेशनशिपमध्ये असल्याची चर्चा आहे. खरं तर या दोघांनी आपलं नातं अजून जाहीर केलेलं नाही, असं असूनही दोघं अनेकदा एकत्र दिसतात. इतकंच नाही तर सोशल मीडियावर हे दोघही एकमेकांप्रती प्रेम व्यक्त करत असतात. आजकाल फ्रान्समध्ये ही जोड सुट्ट्या एन्जॉय करत आहेत, त्याचे फोटो आणि व्हिडिओही सोशल मीडियावर व्हायरल होत आहेत.

सबा आणि हृतिक (Hrithik Roshan) या दोघांनीही नुकतेच फ्रान्सच्या सुट्टीचे काही फोटो आपल्या सोशल मीडिया अकाउंटवरून शेअर केले आहेत. या पोस्टमध्ये दोघं एका क्लबमध्ये मस्ती करताना दिसत होते. सबाने हा फोटो शेअर करत लिहिले की, "जॅझ मांजर कुठे आहे ??." हृतिक आणि सबाने सोशल मीडियावर (Social Media) शेअर केलेले फोटो लोकांना आवडत असून त्यावर चाहत्यांच्या कमेंट्सही येत आहेत.

या फोटोतील (Photo) कमेंट्समध्ये सर्वात आकर्षक नाव आहे ते हृतिक रोशनची एक्स वाइफ सुझान खान हिचं. या दोघांच्या फोटोवर सुझानने एक कमेंट केली, ज्याची आता सतत चर्चा होत आहे. सुझानने लिहिले, "सो क्यूट"

हृतिक रोशन आणि सुझान खान यांनी 2000 साली लग्न केलं होतं. त्यानंतर 2014 मध्ये दोघांचा घटस्फोट झाला. सध्या हृतिक अभिनेत्री सबा आझादला डेट करत आहे तर सुझानही अली गोनीसोबत रिलेशनशिपमध्ये आहे.