बॉलीवुडमधील प्रसिद्ध अभिनेता हृतिक रोशन आणि गायिका सबा सध्या सोकाइल मिडियावर चर्चेत आहेत. हे जोडपे आज मुंबई विमानतळावर एकत्र दिसले. ते गोव्यात एकत्र पार्टी करत होते. अभिनेत्री पुजा बेदीने आयोजित केलेल्या पार्टीसाठी गेले होते. या पार्टीमध्ये सुझैन खान-अर्सलान गोनी देखील सहाभगी होते. या जोडप्यांना एकत्र पाहून त्यांचे चाहते थक्क झाले असून यांचे फोटो सोशल मिडियावर व्हायरल होत आहेत.

अभिनेत्री पूजा बेदीने तिच्या अधिकृत इन्स्टाग्रामअकाऊंटवर गोव्यात (Goa) झालेल्या पार्टीचे फोटो शेअर केले आहेत. दरम्यान, हृतिक आणि सबानेही तिच्यासोबतचे फोटो शेअर केले आहेत. त्यांच्याशिवाय फराह खान अली, झायेद खान, दिग्दर्शक अभिषेक कपूर आणि इतर अनेकजण या पार्टीला उपस्थित होते. या फोटोमध्ये हृतिक काळ्या टी-शर्टमध्ये दिसला तर सबा गुलाबी ड्रेसमध्ये दिसत आहे. तसेच, सुझैनने काळा ड्रेस घातला आणि अर्सलानने प्रिंटेड शर्ट घातला आहे. त्यांनी ग्रुपसोबत काही संस्मरणीय फोटो शेअर केले आहेत.

हृतिक रोशन -सबा आझाद एकमेकांना डेट करत आहे असे बोलले जात आहे.हे दोघे मुंबईतील एका लोकप्रिय रेस्टॉरंटमध्ये एकत्र दिसले होते. आज हे जोडपे मुंबई विमानतळावर हातात हात घालून येताना दिसले. नंतर, संध्याकाळी, सुझान खान आणि अर्सलान गोनी यांनी देखील फॅनचे लक्ष वेधून घेतले होते. हृतिक रोशन आगामी चित्रपट 'विक्रम वेधा' या चित्रपटाच्या माध्यमातून प्रेक्षकांच्या भेटीस येणार आहे.