बॉलिवुडमधील प्रसिद्ध अभिनेता हृतिक रोशनचा (Hrithik Roshan) आगामी चित्रपट 'विक्रम वेधा'ची सोशल मिडियावर जोरदार चर्चा सुरू आहे. या चित्रपटातील हृतिक आणि सैफ अली खानचा फर्स्ट लूक यापूर्वीच रिलीज झाला आहे. दोघांच्या फर्स्ट लूकचे सोशल मिडियावर खूप कौतुक झाले. अलीकडेच हृतिकने त्याच्या वेधा या पात्राचा दुसरा लूकही शेअर केला आहे. वेधाच्या दुसऱ्या लूकवर फॅन्सच्या अनेक प्रतिक्रिया पाहायला मिळत आहे. (Hrithik Roshan latest news)

हृतिकने (Hrithik Roshan) 'वेधा' चा फोटो इंस्टाग्रामवर शेअर करत 'Peace before the storm #channelingvedha' असे लिहिले आहे. या फोटोमध्ये पांढरा शर्ट, काळ्या फ्रेमचा गॉगल घातलेला आहे आणि तो आरशात स्वत:कडे पाहत आहे. या फोटोला दोन तासांत सात लाखांहून अधिक लाईक्स आणि कमेंट्स आल्या आहेत. (Hrithik Roshan shares new Photo on Instagram)

* हृतिकचा वाढदिवस फर्स्ट लुक समोर आला होता

हृतिक वेधाच्या भूमिकेत तर सैफ अली खान (Saif Ali Khan) विक्रमच्या भूमिकेत दिसणार आहे. याआधी, हृतिकने त्याच्या वाढदिवसानिमित्त वेधचा फर्स्ट लूक शेअर केला होता. यासोबतच चित्रपटाच्या (Movie) प्रदर्शनाची तारीखही जाहीर करण्यात आली होती. विक्रम वेधा 30 सप्टेंबर 2022 रोजी प्रदर्शित होईल.

* विक्रम-वेधा हा तमिळ चित्रपटाचा हिंदी रिमेक

या चित्रपटात हृतिक आणि सैफ व्यतिरिक्त राधिका आपटे देखील महत्त्वाच्या भूमिकेत दिसणार आहे. चित्रपटाच्या काही भागांचे शूटिंग पूर्ण झाले असून हा चित्रपट तामिळ चित्रपटाचा हिंदी रिमेक आहे. या चित्रपटाचे दिग्दर्शन पुष्कर-गायत्री यांनी केले होते.