Housefull 5: प्रेक्षकांना खळखळून हसवणाऱ्या हाऊसफुल चित्रपटाचा पुढील भाग लवकरच प्रेक्षकांच्या भेटीला येणार असल्याची घोषणा निर्मात्यांनी काही दिवसांपूर्वीच केली होती. तेव्हापासून प्रेक्षकांच्या मनात याविषयी उत्सुकता दिसून येत आहे. आता या चित्रपटाविषयी मोठी अपडेट समोर आली आहे.

हाऊसफुल चित्रपटाचे निर्माते साजिद नाडीयावाला चित्रपटाविषयी वक्तव्य केले आहे. चित्रपट जगतात माझा नेहमीच हाच प्रयत्न आहे की, माझ्या प्रेक्षकांना चित्रपटाचा सर्वोत्तम अनुभव देण्यासाठी सर्वोत्तम चित्रपट तयार करणे हा माझा उद्देश असल्याचे म्हटले आहे.

त्याचबरोबर, त्यांनी असेही म्हटले आहे की, हाऊसफुल ५ चे चित्रीकरण युकेमध्ये करणार असल्याचे स्पष्ट केले आहे. आपण युके आणि सौदी अरेबिया या देशांसोबत भक्कम नाती तयार केली आहेत. याठिकाणी नेहमी घरासारखे वाटते आणि याआधी याठिकाणी शूटिंग करण्याचा अनुभवदेखील उत्तम असल्याचे म्हटले आहे.

पुढे ते म्हणतात, प्रेक्षकांचे मनोरंजन करण्यास आम्ही प्रतिबद्ध आहोत. हाऊसफुल 5 प्रेक्षकांच्या अपेक्षा पूर्ण करण्यात यशस्वी होईल असे त्यांनी म्हटले आहे. या चित्रपटाची खास गोष्ट म्हणजे, भारतीय चित्रपटसृष्टीत एकाच चित्रपटाचे पाच भाग बनवणारा हाऊसफुल हा पहिलाच चित्रपट आहे.

मिळालेल्या माहीतीनुसार, हाउसफुल 5 पुढील वर्षी दिवाळीच्यावेळी प्रेक्षकांच्या भेटीला येणार आहे. अक्षय कुमार, रितेश देशमुख यांच्यासह अनेक मोठे सितारे या चित्रपटात दिसून येणार आहेत