गेल्या काही दिवसांपासुन एका विचित्र आजाराने ग्रस्त असलेला हनी सिंह आता बरा झालाय असं वाटतंय कारण हनी सिंहने आपल्या गर्लफ्रेंडसोबत इंन्स्टाग्रामवर हटके शुभच्छा दिल्या आहेत. पहाटे 4 वाजता इन्स्टाग्रामवर पोस्ट करत फॅन्सना न्यू ईयर विश केलं आहे.

हनी सिंह गेल्या काही दिवसांपासुन एका आजाराने त्रस्त होता. या काळात आपण दारुच्या खुप आहारी गेलो अशी माहिती स्वत: हनी सिंहने एका मुलाखतीत दिली होती. पण आता या इंन्स्टाग्रामवरच्या पोस्टवरुन बॉलिवूडचा रॅपर बरा झालाय असं वाटतंय.अलिकडे हनी सिंह रिलशनशीपमध्ये असल्याचंही या पोस्टवरुन आपल्या लक्षात येऊ शकतं.

हनी सिंह गर्लफ्रेंड टीना थडानी हिच्याबरोबर आपला बराच वेळ घालवत असतो. सतत टीनासोबत तो सोशल मिडीयावर झळकताना दिसतो. हनी सिंहने आपल्या अतरंगी स्टाईलमध्ये टीनासह सर्वांना शुभेच्छा दिल्या आहेत.टीनाला मिठीत घेत 'मेरी जान.. मेरी जान, खाएगी मीठा पान' अशी डायलॉगबाजी केली आहे.

टीनानेही हनी सिंहला किस करत न्यू ईयर सेलिब्रेशन केलं आहे. दोघांच्या या व्हिडीओवर नेटकऱ्यांंचं चांगलंच मनोरंजन झालं आहे. एका युजरने 'पाजी कितने पेग' असं म्हणत हनी सिंहची मजा घेतली आहे तर दुसऱ्या एका युजरने पाजी रात्रीची उतरली असेल तर व्हिडीओ डिलीट करा असं म्हटलं आहे. थोडक्यात हनी सिंह आणि त्याची गर्लफ्रेंड टीनाने नवीन वर्षाचं जोरदार सेलिब्रेशन केलं आहे.