53 IFFI Goa: 53 वा भारतीय आंतरराष्ट्रीय चित्रपट महोत्सव (International Film Festival of India) लवकरच सुरू होणार आहे. 20 ते 28 नोव्हेंबर दरम्यान या महोत्सवाचे आयोजन गोव्यात (Goa) केले असून यामध्ये 25 फीचर फिल्म्स आणि 20 नॉन फीचर फिल्म्स दाखवल्या जाणार आहेत. या वेळी इफ्फीमध्ये (IFFI) तीन मराठी चित्रपट (Movie) दाखवले जाणार आहे. तसेच आरआरआर आणि द कश्मीर फाइल्स बॉक्स ऑफिसवर हिट ठरलेले चित्रपट देखील या फिल्म फेस्टिव्हलमध्ये दाखवले जाणार आहेत. चला तर मग जाणून घेउया 53 व्या इफ्फीमध्ये कोणते चित्रपट दाखवले जाणार आहे.

हिंदी चित्रपट

थ्री ऑफ अस, द स्टोरी टेलर, मेजर, सिया, द कश्मीर फाइल्स या फीचर फिल्म्स 53 व्या इफ्फीमध्ये दाखवले जाणार आहेत. तर काही हिंदी भाषेतील नॉन फीचर फिल्म्सची झलक पाहायला मिळणार आहे.

• मराठी चित्रपट

या वेळी इफ्फी या चित्रपट महोत्सवात चार मराठी या फिचर फिल्म्स दाखवल्या जाणार आहेत. फ्रेम, शेर शिवराज, एकदा काय झालं आणि धर्मवीर या मराठी फीचर फिल्म्सचे स्क्रिनिंग या महोत्सवात होणार आहे. तर रेखा ही नॉन फीचर मराठी फिल्म देखील यंदा इफ्फीमध्ये पाहायला मिळणार आहे. तसेच इतर भाषांमधील काही फिचर फिल्म्स आणि नॉन फीचर फिल्म्सचे स्क्रिनिंग या चित्रपट महोत्सवात (Film Festival) होणार आहे.