Karan Deol: बॉलीवूडमधील लोकप्रिय अभिनेता सनी देओलच्या घरी मोठ्या उत्साह दिसून येत आहे. या उत्साहाचे कारण म्हणजे सनी देओलचा मुलगा करण देओल नुकताच लग्नबंधनात अडकला आहे. करणने द्रिशा सोबत लग्नगाठ बांधली आहे.

गेल्या काही दिवसापासून धर्मेंद्र, सनी देओल करण देओलच्या लग्नामुळे सातत्याने चर्चेत आहेत. या लग्नसंमारंभात संपूर्ण देओल कुटुंब आनंदाने एकत्रित आलेले दृश्य पाहायला मिळाले आहे. आता बॉलीवूडच्या स्टार अभिनेत्यांनी करणच्या रिसेप्शनला हजेरी लावली होती.

बॉलीवूडचा भाईजान सलमान खान ब्लॅक सूटमध्ये तर मिस्टर परफेक्शिनिस्ट म्हणून ओळखला जाणारा अमिर खान कॅज्युअल मध्ये दिसून आला. कपील शर्माने धर्मेंद्र, रणवीर, दीपीका आणि त्याची पत्नी गिन्नी यांच्यासोबतचा फोटो सोशल मिडियावर शेअर केला होता.

पूनम धिल्लीयन आपल्या मुलांसोबत तर बॉबी देओलदेखील आपल्या मुलांसोबत दिसून आला होता. अनुपम खेरने देखील नवीन जोडप्यासोबतचा फोटो सोशल मिडियावर शेअर करत खास शब्दात शुभेच्छा दिल्या आहेत.

'करण आणि द्रिशा तुम्हाला लग्नाच्या शुभेच्छा ! संपूर्ण देओल कुटुंबाला माझ्या मनापासून शुभेच्छा , हिंदी फिल्म इंडस्ट्रीमधील हे कुटुंब म्हणजे प्रेमळ आणि खऱ्या लोकांनी संपूर्ण असे आहे. मला नेहमीच त्यांच्याबद्दल खूप प्रेम वाटते. देव तुम्हाला खूप आनंदी ठेऊ दे 'असं म्हणत अनुपम खेर यांनी अनोख्या शुभेच्छा दिल्या आहेत.

शत्रुघ्न सिन्हांनी या कार्यक्रमाला हजेरी लावत धर्मेंद्र यांची गळाभेट घेतल्याचे दृश्य समोर आले आहे. दोघांना एकत्र पाहून त्यांच्या चाहत्यांनी व्यक्त केला आहे. दृश्यम फेम इशिता दत्ता देखील या रिसेप्शनमध्ये दिसून आली. धर्मेंद्र आणि सनी देओल स्वत: सर्वांच्या स्वागतासाठी हजर होते. करण आणि द्रिशाने हिंदू पद्धतीने जवळच्या नातेवाईकांच्या उपस्थितीत विवाहबंधनात अडकले आहेत.