Esha Deol On Gadar 2: बॉलीवूडचा प्रसिद्ध अभिनेता सनी देओल लवकरच प्रेक्षकांचे मनोरंजन करण्यास हजर राहणार आहे. गेल्या काही दिवसांपासून गदर2 या त्याच्या आगामी चित्रपटाची जोरदार चर्चा सुरु आहे. चाहत्यांपासून ते दिग्गज कलाकारांपर्यत सर्वांनी सनी देओलला त्याच्या या चित्रपटासाठी शुभेच्छा दिल्या आहेत.

आता यामध्ये भर पडली आहे सनी देओलची बहिण आणि हेमा मालिनीची मुलगी ईशाची देओलची. ईशाने गदर 2 चा ट्रेलर शेअर करत आपल्या भावाला म्हणजेच सनी देओलला त्याच्या चित्रपटासाठी शुभेच्छा दिल्या आहेत. आपल्या इंस्टाग्राम स्टोरीवर गदर 2 चा ट्रेलर शेअर करत सनी देओलला शुभेच्छा दिल्या आहेत आणि हार्टची इमोजीसह सनी देओलला टॅग केले आहे.

करण देओलच्या लग्नात ईशा आणि हेमामालिनी यांची अनुपस्थिती

गेल्या काही दिवसांपूर्वी सनी देओलचा मुलगा करणचे लग्न मोठ्या थाटामाटात पार पडले. मात्र करणच्या लग्नात ईशा आणि हेमा दिसल्या नाहीत त्यामुळे बरीच चर्चा रंगली होती. ईशाने लग्नानंतर करणचे अभिनंदन करणारी पोस्ट केली होती.

ईशा देओल ही धर्मेंद्र यांची दुसरी पत्नी हेमा मालिनी यांची मुलगी आहे आणि तिची दुसरी बहीण आहाना आहे. दुसरीकडे, धर्मेंद्रला त्याच्या पहिल्या लग्नापासून चार मुले आहेत, ज्यामध्ये सनी देओल बॉबी देओल व्यतिरिक्त, मुली विजेत्या आणि विजेत्या आहेत.

दरम्यान, 'गदर2' मध्ये सनी देओलसोबत अमिषा पटेल मुख्य भूमिकेत दिसणार आहे. 22 वर्षापूर्वी आलेल्या गदरने बॉक्स ऑफीसवर मोठा धुमाकुळ घातला होता. या चित्रपटाने प्रेक्षकांच्या मनावर राज्य केले होते आणि प्रेक्षकांनी या चित्रपटाला भरभरुन प्रेम दिले होते.

काही दिवसांपूर्वी 'गदर 2' च्या रिलिज झालेल्या ट्रेलरचेदेखील कौतुक होताना दिसत आहे. 'उड जा काले कावा' या गाण्याचा रिमेक रिलिज झाला असून सोशल मिडियावर चांगलाच व्हायरल होताना दिसत आहे.

आता 11 ऑगस्टला चित्रपटगृहात हा चित्रपट प्रदर्शित होणार आहे. महत्वाचे म्हणजे, अक्षय कुमारच्या 'ओह माय गॉड 2' हा चित्रपटदेखील याचदिवशी प्रदर्शित होणार आहे. त्यामुळे कोणता चित्रपट बाजी मारणार हे पाहणे महत्वाचे ठरणार आहे. सनी देओल आणि अमिषा पटेलच्या अभिनयाची जादू पुन्हा चालणार का हे पाहणे महत्वाचे ठरणार आहे.