आयुष्मान खुराना हा बॉलिवूडमधील सर्वोत्कृष्ट अभिनेत्यांपैकी एक आहे. आयुष्मानने अनेक उत्तमोत्तम चित्रपटांमध्ये काम करून आपली वेगळी ओळख निर्माण केली आहे. स्टिरियोटाइप मोडणाऱ्या चित्रपटांमध्ये काम करणाऱ्या आयुष्मान खुरानाला आता सुवर्णपदक विजेत्या नीरज चोप्राची भूमिका करायची आहे. खुद्द आयुष्मानने याबाबत सांगितले आहे. आयुष्मानला साकारण्याची इच्छा असलेल्या नीरजच्या भूमिकेबद्दल बोलताना आयुष्मान खुराना म्हणाला, “मी वास्तविक जीवनातील नायकांपासून प्रेरित आहे, जे आश्चर्यकारक कामगिरी करतात. सध्या मी नीरज चोप्रा आणि त्याने जगाच्या पाठीवर देशाचे जे काही नाव कमावले आहे, त्यामुळे आपल्या देशाची मान अभिमानाने उंचावली आहे.

आयुष्मान खुरानाने सांगितले की, जर नीरजचा बायोपिक (Biopic) बनत असेल आणि त्याला स्वतःला त्यात काम करायला आवडत नसेल तर आयुष्मानला त्यात काम करायला आवडेल. तो म्हणाला, ऑलिम्पिकमध्ये (Olympics) त्याने शौर्य दाखवले आहे. त्यामुळे त्याच्या बायोपिकमध्ये काम करायला मला नक्कीच आवडेल, जर तो कधी बनला आणि त्यात नीरजने त्याची भूमिका केली नाही. तर त्याची भूमिका मी करेल.

नीरजचा आवडता अभिनेता कोणता?

यंदाच्या टोकियो ऑलिम्पिकमध्ये नीरज चोप्राने (Neeraj Chopra) भालाफेकमध्ये सुवर्णपदक जिंकले. या विजयाचा जल्लोष देशभरात साजरा करण्यात आला. बायोपिकबद्दल बोलताना नीरज चोप्रा यांनी 2018 साली झालेल्या आशियाई खेळांदरम्यान याबद्दल सांगितले. तो म्हणाला होता की जर त्याचा बायोपिक बनवला गेला तर त्याला अक्षय कुमार किंवा रणदीप हुड्डा यांना भूमिकेत बघायच आहे.