LSD2: एकता कपूर ही आपल्या वेगळेपण असणाऱ्या मालिका आणि चित्रपटांसाठी ओळखली जाते. आता ती लवकरच प्रेक्षकांचे मनोरंजन करण्यासाठी 'लव्ह, सेक्स और धोका 2' हा चित्रपट घेऊन येणार आहे. काही दिवसांपूर्वीच तिने चित्रपटाची घोषणा केली होती.

आता निर्मात्यांनी 19 एप्रिल 2024 ही चित्रपटाची रिलीज डेट जाहीर केली आहे. यासोबतच त्यांनी एक मोशन पोस्टरही रिलीज केले आहे.

लव्ह, सेक्स और धोखा' 2010 साली रिलीज झाला होता. या सिनेमातून राजकुमार रावने डेब्यू केले होते. आता 14 वर्षांनंतर त्याचा दुसरा भाग रुपेरी पडद्यावर येत आहे. निर्मात्यांनी चित्रपटाच्या नवीन मोशन पोस्टरमध्ये त्याच्या अनोख्या दुनियेची झलक दाखवली आहे. यात हृदयाच्या आकारात धडधडणारे सोशल मीडिया ॲप्स आयकॉन असलेले हृदय आहे, जे डिजिटल युगातील चित्रपटाच्या प्रेमाची थीम असल्याचे पाहायला मिळते.

हे मोशन पोस्टर शेअर करताना, निर्मात्यांनी एक कॅप्शनदेखील लिहले आहे- 'यह व्हॅलेंटाइन डे नहीं आसान, बस इतना समझ लीजीए, लव्ह,सेक्स और धोका का दरियाँ है और डूब जाना है'

आजच्या डिजिटलच्या युगात प्रेमाचे बदलते स्वरुप, फसवणूक आणि त्याचे परिणाम त्यातील गुंतागुतींवर यावर बेतलेले हे कथानक असणार आहे.

लव्ह सेक्स और धोखा 2' बालाजी टेलिफिल्म्स लिमिटेड आणि कल्ट मूव्हीज प्रस्तुत आहे. या चित्रपटाची निर्मिती एकता आर कपूर आणि शोभा कपूर यांनी केली असून दिबाकर बॅनर्जी दिग्दर्शित आहेत. आता एकता कपूरचा हा चित्रपट प्रेक्षकांना आवडणार का हे पाहणे महत्वाचा ठरणार आहे.